ޕީޕީއެމް/ޕިއެންސީ ދާއިރާ ރައީސުންގެ ގްރޫޕުގައި އަބްދުއްރަހީމް އަބްދުﷲ (އަދުރޭ)އަށާ އޭނާގެ ދަރިފުޅު އިބްރާހިމް ފައިސަލަށް އަމާޒުކޮށް ފާޑުކިޔައިފިއެވެ.

ޕިޕީއެމް/ޕީއެންސީ ރައީސުންނާ އެކު އެކުލަވާލާފައި އޮންނަ ވަޓްސް އަޕް ގްރޫޕުގައި އެކި ދާއިރާތަކުގެ ރައީސުން ވަނީ އަދުރޭއާ ފައިސަލް، ދާއިރާގެ ކުރިއެރުމަށް ކަމެއް ކޮށްދިނުމުގެ ބަދަލުގައި އަމިއްލައަށް މަޝްހޫރުވާން މަސައްކަތްކުރާކަމަށް ބުނެ ފާޑުކިޔުން އަމާޒުކޮށްފައެވެ.

މީގެ އިތުރުން ބައެއް ދާއިރާތަކުގެ ރައީސުން ވަނީ، ލ.އަތޮޅުގައި ބޭއްވި އުރީދޫ ރަންގައި ބައިވެރިވުމުން ވެސް ފާޑުކިޔާފައެވެ. އަދި ވަނީ ފައިސަލްއާ އަދުރޭއާ ދެމީހުންވެސް ރައްޔިތުންނަށް ކަމެއްކޮށްނުދީ ބަލަނީ އެހެން މީހުން މެދުވެރިކޮށް ސަނާ ކިޔުއްވާ މަޝްހޫރުވާން ކަމަށް ވެސް ތުހުމަތުކޮށްފައިވެއެވެ.

ޕީޕީއެމް/ޕީއެންސީ ދާއިރާ ރައީސުންގެ ވަޓްސް އަޕް ގްރޫޕުގައި އަދުރޭއާ ދަރިފުޅު ފައިސަލަށް ފާޑުކިޔުމާ ނުރުހުން އަމާޒުވެފައިވާއިރު ގިނަ ރައްޔިތުން ބުނަމުންދަނީ ދެބަފައިންނަކީ ވެސް މަގާމަށް ކުފޫ ހަމަ ނުވާ ދެމީހުން ކަމަށެވެ.