މަޖީދިއްުޔާ ސަރަހައްދަށް ކަރަންޓްދޭން ސްޓެލްކޯއިން ބަހައްޓާފައި ހުންނަ ޓްރާންސްފޯމަރަކަށް ގުޅާފައި ހުރި ކޭބަލެއް މިދިޔަ އަންގާރަ ދުވަހު ވަގަށް ބުރިކުރި މައްސަލާގައި މިއަދު މީހަކު ހައްޔަރުކޮށްފި ކަމަށް ފުލުހުން ހާމަކޮށްފިއެވެ.

އެ މައްސަލާގައި ހައްޔަރުކޮށްފައިވަނީ 32 އަހަރުގެ ދިވެހި ފިރިހެނެއް ކަމަށާއި އެ މައްސަލަ ފުލުހުން ތަހުގީގުރަމުން އަންނަ ކަަމަށް ވެސް ބުނެފައިވެއެވެ.

ސްޓެލްކޯއިން އަންގާރަދުވަހު ބުނީ ކޭބަލް ވަގަށް ނެގުމުން ކަރަންޓުގެ ހިދުމަތް މެދުކެނޑުނީ މަޖީދިއްޔާ ސްކޫލުގެ ހިމެނޭހެން، ހެންވޭރުގެ އަބަދަށްފެހި މަގާއި، މެދުޒިޔާރަތްމަގު، ކަޅުހުރާ މަގު އަދި ކަރަންކާ މަގުގެ ބައެއް ގެތަކުން ކަމަށެވެ.

ކޭބަލްތައް ވަގަށް ނެގުމާއި ގެއްލުން ދިނުމުގެ މައްސަލަތައް ފަހަކަށް އައިސް ގިނަ ވަމުން އަންނަކަން ފާހަގަކުރެވެމުންދެއެވެ.