އާއިލާގެ މެންބަރަކަށް ނާޖައިޒު ގޮތުގައި މަގާމެއް ހޯދައި ނުދެއްވާނެކަމަށް އިސްލާމިކް މިނިސްޓަރު ޑރ. މުހައްމަދު ޝަހީމް އަލީ ސައީދު ވިދާޅުވެއްޖެއެވެ.
.ޑރ. ޝަހީމު މިފަދައިން ވިދާޅުވެފައިވަނީ އެމަނިކުފާނު މަގާމުގެ ނާޖާއިޒު ފައިދާ ބޭނުންކޮށްގެން އަމިއްލަފުޅު ދަރިފުޅަށާ އެއްބަޑު ބޭފުޅަކަށް ސިޔާސީ މަގާމު ހަމަޖައްސައިދިންކަމުގެ ތުހުމަތު އަމާޒުވެފައިވަނިކޮށް އެކްސްގައި ކުރެއްވި ޕޯސްޓެއްގައެވެ.
އެގޮތުން ޑރ. ޝަހީމު ވިދާޅުވެފައިވަނީ، ދަރިޔަކު ނުވަތަ އާއިލާގެ މެންބަރަކު ކިޔަވައިގެން ހުރި ދާއިރާއަކުން ޚިދުމަތްކުރަން އެމީހަކަށް ލިބޭ ފުރުސަތަކީ ނާޖާއިޒު ގޮތުގައި ހޯދައިދޭނެ ފުރުސަތެއް ނޫން ކަމަށެވެ.
"ދައުލަތުގެ މުދަލާއި މަޤާމާއި ފައިސާ ނާޖާއިޒު ގޮތުގައި ބޭނުން ނުކުރާނެކަމުގެ ފުރިހަމަ ޔަޤީންކަން އަރުވަން." މިނިސްޓަރު ޝަހީމްގެ ޕޯސްޓުގައިވެއެވެ.
