ހިލޭ ޑީގްރީއަށް ކިޔެވޭނެހެން އެމްޑީޕީ ސަރުކާރުން ފަހިކޮށްދިން ފުރުސަތަކީ ސްކޭމެއް ކަމަށާ އެކަން ހުއްޓާލަން ޖެހޭ ކަމަށް ބާރަށޫ ދާއިރާގެ މައިކުން އިބްރާހިމު ޝުޖާއު ބުނުމުން އެ ސްކީމުގެ ދަށުން ކިޔަވަމުން ގެންދާ ދަރިވަރުންނާ އެ ދަރިވަރުންގެ ބެލެނިވެރިންގެ ވަރުގަދަ ރައްދެއް ޝުޖާއުއަށް އަމާޒުކޮށްފިއެވެ.

ހިލޭ ޑިގްރީ ޕްރޮގްރާމަކީ ސްކޭމެއް ކަމަށާއި، ހުއްޓާލަން ޖެހޭ ކަމަށް ޝުޖާއު ހާމަކޮށްފައިވަނި އަންގާރަ ދުވަހު ބޭއްވި މަޖިލީހުގެ ޖަލްސާގައި ވާހަކަ ދައްކަމުންނެވެ. އެކަމާ ގުޅިގެން ގިނަ ބައެއްގެ ފާޑުކިޔުމާ ނުރުހުން ޝުޖާއުއަށް އަމާޒުވެފައިވެއެވެ. އޭގެ ތެރޭގައި ގިނައީ ހިލޭ ޑިގްރީއަށް ކިޔަވަމުންދާ ދަރިވަރުންނާ އެ ދަރިވަރުންގެ ބެލެނިވެރިންނެވެ.

އެ ފަރާތްތަކުން ހާމަކޮށްފައިވާ ގޮތުގައި ހިލޭ ޑިގްރީ ޕްރޮގްރާމަކީ ނިކަމެތި އެތައް ކުދިްނނަށް ތައުލީމުގެ ފުރުސަތު ހުޅުވާލަދިން ދޮރެއް ކަމަށާ އެ ދޮރު ބަންދުކުރަން އަދުގެ ސަރުކާރުން އުޅުމުން ތައުލީމަށް މި ސަރުކާރުން އަހައްމިއްޔަތު ނުދޭ މިންވަރު ހާމަވާ ކަމަށެވެ.

ތޭރަ އޮންލައިނާ ވާހަކަ ދައްކަމުން ދަރިވަރެއްގެ ބެލެނިވެރިއަކު ބުނެފައިވަނީ ޝުޖާއުއަކީ ނުފޫޒުގެ ބޭނުންކޮށްގެން ކަންކަން ކުރަމުން އަންނަ މީހެއް ކަމަށާ އެގޮތުން އޭޏާގެ އަޑު ގަދަކޮށްގެން ބޭނުންކޮންމެ ކަމެއް ސަރުކާރު ތެރެއިން ކުރަމުން އަންނަ ކަމަށެވެ. އެގޮތުން މީގެ ކުރިން ރެހެންދި ސްކޫލުގެ ޓީޗަރަކަށް ހުރި އޭނާގެ ކޮއްކޮ ޝަޖަހު ފިރާގުއަށްވެސް އެޑީއުކޭޝަން މިނިސްޓްރީއިން މަގާމު ހޯދައިދިނުން ފަދަ ޖަރީމާތައް ހިންގާފައި ހުރިކަމަށް އެ ބެލެނިވެރިޔާ ވަނީ ފާހަގަކޮށްފައެވެ.

މީގެ އިތުރުން އެ ސްކީމުގެ ދަށުން ކިޔަވަމުންދާ ދަރިވަރަކު ބުނެފައިވަނީ ޝުޖާއުއަކީ ރެޑް ވޭވު ސަލީމުގެ ހިޔަލުގައި ހުރެ ވިޔަފާރިއަށް ނުކުތް މީހެއް ކަމަށާ މިއަދު އޭނާގެ ވިޔަފާރިއަށް ސަރުކާރު ތެރެއިން އެތައް ހޭދައެއް ކުރާ ކަމަށެވެ. އެގޮތުން އެ ދަރިވަރު ހާމަކޮށްފައިވާ ގޮތުގައި ޝުޖާއު ގެންދަނީ އިވެންޓުސް މެނޭޖުކުރުމުގެ ނަމުގައި އޭނާގެ ވިޔަފާރިއަށް ސަރުކާރުން އެތައް ފައިދާ އެއް ހޯދަމުންނެވެ. އެ ދަރިވަރު ކިޔައިދިން ގޮތުގައި ރައީސް މުހައްމަދު މުއިއްޒު ހުވާކުރުމުގެ ރަސްމިއްޔާތުގެ ކަންކަންވެސް ޝުޖާއުގެ ކުންފުންޏާ ހަވާލުކޮށް ސަރުކާރުން ވަނީ ކޮރަޕްޝަން ހިމެނޭހެން ބޮޑު ސްކޭމެއް ހިންގާފައެވެ. އަދި އެ ދަރިވަރު ވަނީ އިވެންޓު މެނޭޖުކުރުމުގެ ނަމުގައި ދައުލަތް ދަވާލުމަށް ކިޔާނީ ކީކޭތޯ އަހާ ޝުޖާއުއަށް ސުވާލެއްވެސް އަމާޒުކޮށްފައެވެ.

ހިލޭ ޑީގްރީއަށް ކިޔާވާ ދިނުން ހުއްޓާލަން ޖެހޭ ކަމަށް ބާރަށު ދާއިރާ މައިކުން ބުނުމާ އެކު ޝުޖާއު ހޫނު ފެނަށް ވެއްޓިފައިވާއިރު ޝުޖާއުގެ އުނދަގޫ ބޮޑުކަމަށް ދައުލަތުގެ އެކި އިދާރާތަކުގެ ވެރިންވެސް ގެންދަނީ ބުނަމުންކަން ފާހަގަކޮށްލެވެއެވެ.

އެގޮތުން އޭނާ ބޭނުންވާ ބަޔަކަށް ވަޒީފާ ހަމަޖައްސައި ނުދީފިނަމަ ހެއްދެވި ނެހެއްދެވިއަށް ގޮވާ ގުޅައިގެން ޒުވާބުކުރާކަމަށްވެސް ބައެއް ވެރިން ހާމަކޮށްފައިވެއެވެ.

ރައީސް ސޯލިހްގެ ސަރުކާރުން ވަނީ ގާތްގަނޑަކަށް. 700 މިލިއަން ރުފިޔާ ހިލޭ ޑިގްރީ އަށް ދިވެހި ކިޔަވާ ކުދިން ކިޔެވުމަށް ފާއިތުވި 5 އަހަރު ޚަރަދު ކޮށްފައެވެ. މިއީ އެތައް ހާސް ދަރިވަރުންނަކަށް ލިބިގެން ދިޔަ ތައުލީމް ހާސިލް ކުރުމުގެ ފުރުޞަތެކެވެ.

ސަރުކާރުން ދަނީ، ރައްޔިތުން ވަޒީފާ ތަކުން ވަކިކޮށް، ރައީސް އޮފީހުން ފޮނުވާ ފައިވާ ލިސްޓަކުން ސަރުކާރު ކުންފުނިތަކަށާއި ވުޒާރާ ތަކަށް މީހުން ނަގަމުންނެވެ.

ހިލޭ ޑިގްރީ ޕްރޮގްރާމް ހުއްޓާލުމުން، މަތީ ތައުލީމް ހާސިލް ކުރުމުގެ ފުރުޞަތު އެތައް ހާސް ބަޔަކަށް ގެއްލިގެން ދާނެއެވެ.