މި އަހަރު އިސްލާމިކް މިނިސްޓްރީން މުހިންމު ހަ މަހާސިންތާއެއް ބާއްވަން ނިންމާފައިވާކަމަށް އެ މިނިސްޓްރީއިން ބުނެފިއެވެ.
އިސްލާމިކް މިނިސްޓްރީން ބުނީ އިލްމުވެރީންގެ މަހާސިންތާ އަކާއި ޖަމިއްޔާތަކުގެ މަހާސިންތާ އަކާއި އިމާމުންގެ މަހާސިންތާ އަކާއި ޒަކާތުގެ މަހާސިންތާ އަކާއި ހައްޖާއި އުމްރާގެ މަހާސިންތާ އަކާއި ފަތުވާ މަހާސިންތާއެއް ބޭއްވުމަށް ވަނީ ނިންމާފަ އެވެ.
އިސްލާމިކް މިނިސްޓަރު ކަަމަށް ޑރ. މުހައްމަދު ޝަހީމް އަލީ ސައީދު ހަވާލުވެވަޑައިގެން އެ ވުޒާރާގެ މަސައްކަތްތައް ފުޅާކުރައްވާ ވަނީ ގިނަ މަސައްކަތްތަކެއް ފައްޓަވާފައެވެ. ހާއްސަކޮށް އިލްމުވެރީންނާއި އިމާމުންނާއި ގުޅުން ހުރި ކަންކަމާއި ޒަކާތުގެ ނިޒާމު ހަރުދަނާ ކުރުމާއި ފަތުމާ މަޖިލީސް ހަރަކާތްތެރި ކުރުވުން ހިމެނެ އެވެ. އަދި ހައްޖާއި އުމްރާގެ ކަންކަން ހަރުދަނާ ކުރުމަށް ވެސް ހާއްސަ އިސްކަމެއް ދެއްވައިގެން ގިނަ ކަންތައްތަކެއް މިހާރު ވެސް ވަނީ ކުރައްވާފަ އެވެ.
އިސްލާމިކް މިނިސްޓްރީ ވެފައި ވަނީ އެންމެ ހަރަކާތްތެރި / މަަސައްކަތްތެރި އެއް މިނިސްޓްރީއަށެވެ.
