ހުޅުމާލޭ ކައިރިއަށް ޑައިވިނަށް ދިޔަ އަންހެނަކު މަރުވެއްޖެއެވެ.

މަރުވެފައިވަނީ ތައިލެންޑްއަށް ނިސްބަތްވާ މީހެކެވެ. އޭނާ މަރުވެފައިވަނި ގެނބިގެން ކަމަށް މައުލޫމާތު ލިބިފައިވެއެވެ.

މިކަމާ ގުޅިގެން މައުލޫމާތު ހިއްސާކުރަމުން ފުލުހުން ބުނެފައިވަނީ، ހުކުރު ދުވަހު 11:00 ހާއިރު ހުޅުމާލެ މޫދުގައި ޑައިވިންއަށް ގޮސް އުޅުނު ތައިލެންޑްގެ އުމުރުން 55 އަހަރުގެ ބިދޭސީ އަންހެނަކު ގެނބިގެން މަރުވެފައިވާ މައްސަލަ ރިޕޯޓުކޮށްފައިވާ ކަމަށެވެ. އަދި މި މައްސަލަ ފުލުހުން ދަނީ ތަހުގީގު ކުރަމުންނެވެ.