ގައުމުގެ މާލީ ހާލަތު ވަރަށް ދަށްވެފައިވާތީ ރައްޔިތުން ގަރުދިޔަ އާ ބަތާ ކައިގެން ދިރިއުޅުން ދަށް ފަންތިއަކަށް ބަދަލުކޮށްލަން ރައީސް އޮފީހުގެ މިނިސްޓަރު އަލީ އާރިފު ގޮވާލުމުން ރައްޔިތުން މަޖިލީހުގެ ނޮޅިވަރަމް ދާއިރާގެ ކުރީގެ މެމްބަރު މުހައްމަދު ނަޝީދު އަބްދުﷲ (މޮސްޓާ) ރައްދު ދެއްވައިފިއެވެ.
މޮސްޓާ އަލީ އާރިފަށް ރައްދު ދެއްވީ ފޭސްބުކްގައި ކުރެއްވި ޕޯސްޓެއްގައެވެ.
އެގޮތުން މޮސްޓާ ވަނީ ރައްޔިތުންނަށް ގަރުދިޔާ ބަތް ކާންއަންގާފައި ވެރިން ކާން ދަނީ އެޓޮމިކްސް އާ ސެޕްޓިމް ފަދަ އަގުބޮޑެތި ރެސްޓޯރެންޓުތަކަށް ކަމަށް ވިދާޅުވެފައެވެ.
އޭގެ ބަދަލުގައި އެންމެ ފުރަތަމަ ކަމަކަށް ވެސް ސަރުކާރުގެ މަތި ފަޑީގެ އެއް މަގާމުތަކަށް އައްޔަންކޮށްފައި ތިބި މުވައްޒަފުންގެ އަދަދު މަދުކޮށް، ވެރިންނާ އާންމު މުުވައްޒަފުންގެ މުސާރައިގެ ފަރަގު ނައްތާލުން މާ ރަގަނޅުވާނެ ކަމަށްވެސް މޮސްޓާ ވަނީ ވިދާޅުވެފައެވެ.
ދެން އޭގެ ފަހުން ގަރުދިޔަ އާ ބަތާ ކައިގެން ހިތި ބޭސް ބޮއިގެން ގައުމު ހަމަމަގަށް އެޅުވޭތޯ މަސައްކަތްކުރާނީ ކަމަށްވެސް މޮސްޓާ ވަނީ ވިދާޅުވެފައެވެ.
