ދިވެހި ފިރިހެނަކު މާލޭ ގެއެއްގައި ރަހީނު ކޮށްގެން ގެންގުޅުނު ތިން މީހަކު ހައްޔަރުކޮށްފިއެވެ.

ފުލުހުންގެ މީޑިއާ އޮފިޝަަލް ވިދާޅުވީ، ދިވެހި ފިރިހެނަކު ރަހީނުކޮށްގެން މާލޭ ގެއެއްގައި ގެންގުޅުނު މައްސަލައެއް އިއްޔެ ފުލުުހުންނަށް ރިޕޯޓްކޮށްފައިވާ ކަމަށެވެ.

އަދި މި މައްސަލައާ ގުޅިގެން 30، 27، އަދި 22 އަހަރުގެ ދިވެހި ތިން ފިރިހެނަކު ހައްްޔަރުކޮށްފައިވާ ކަމަށްވެސް އޮފިޝަލް ވިދާޅުވިއެވެ. މީގެ ތެރެއިން 27 އަަހަރުގެ މީހާއަކީ ލ. މާބައިދޫ މީހެކެވެ. 30 އަހަރުގެ މީހާއަކީ ލ. ގަމަށް ނިސްބަތްވާ މީހެކެވެ. އަދި 22 އަަހަރުގެ މީހާއަކީ އއ. މާޅޮސް އަށް ނިސްބަތްވާ މީހެކެވެެ.

އޮފިޝަލް ވިދާޅުވިގޮތުގައި، މި މައްސަލައާ ގުޅިގެން ހައްޔަރު ކުރި މީހުންގެ ބަންދާއި މެދު ގޮތެއް ނިންމުމަށް ކޯޓަށް ޙާޒިރު ކުރުމުން، 10 ދުވަހަށް ބަންދު ކުރުމަށް ވަނީ އަމުރު ކޮށްފައެވެ.

މި މީހުންގެ ކޯޓު އަމުރުގައިވާގޮތުން މި މީހުން ހައްޔަރުކޮށްފައި ވަނީ ފުލުހުންގެ ހާއްސަ އޮޕަރޭޝަނެއްގައި ސީނުންނެވެ.

އަދި ތިން މީހަކު ވެގެން ގެސްޓް ހައުސްގެ ކޮޓަރިއކަށް ވަދެ، އެތަނުގައި ހުރި އެއްޗެހި އުކާލާ، ރަހީނު ކުރި މީހާ މި މީހުންނާއެކު އެހެން ތަނަަކަށް ގެންގޮސް ބެހެއްޓުމަށްފަހު އޭނާއަށް ދެވޭނީ ފައިސާ ދިނުމުންކަމަށް އިންޒާރު ދީފައިވާ ކަމަށް ކޯޓު އަމުރުގައި ވެއެވެ.