ރަސްމީ ދަތުރުފުޅެއްފައި ފޮރިން މިނިސްޓަރު މޫސާ ޒަމީރާއި ފިނޭންސް މިނިސްޓަރު ޑރ. މުހައްމަދު ޝަފީގު އަދި ކޮންސްޓްރަކްޝަން އަދި އިންސްފްރާންސްޓްރަކްޗާ މިނިސްޓަރު ޑރ. އަބްދުﷲ މުއްތަލިބް، މާދަމާ ޗައިނާއަށް ފުރާވަޑައިގަންނަވާ ކަމަށް ފޮރިން މިނިސްޓްރީން ހާމަކޮށްފިއެވެ.

މި ތިން ވަޒީރުން ކުރައްވާ ދަތުރުރފުޅަކީ ޗައިނާގެ ފޮރިން މިނިސްޓަރު ވަންގް ޔީގެ ދައުވަތުފުޅަކަށް ކުރައްވާ ދަތުރުފުޅެކެވެ. އެނބުރި ރާއްޖެ ވަޑައިގަންނަވާނީ އަންނަ ބުދަ ދުވަހުއެވެ.

މި ދަތުރުފުޅުގައި ޗައިނާގެ ފޮރިން މިނިސްޓަރާ ބައްދަލުކުރައްވާ ގިނަ ކަންކަން މަޝްވަރާ ކުރައްވަން ވަނީ ހަމަޖެހިފައެވެ. އަދި، އެ ގައުމުގެ ސަރުކާރުގެ އިސް އޮފިޝަލުންނާ ވެސް ބައްދަލުކުރައްވާނެއެވެ.

މި ދަތުރުފުޅުގައި، ރާއްޖޭގެ އިގުތިޞާދު ކުރިއެރުވުމަށް މަސައްކަތްކުރާ ޗައިނާގެ ކުންފުނިތަކާ ވެސް ބައްދަލުކުރަން ހަމަޖެހިފައިވާ ކަމަށް ފޮރިން މިނިސްޓްރީއިން ހާމަކޮށްފައިވެއެވެ.

މި ދަތުރުފުޅުގައި މިނިސްޓަރު ޒަމީރާ އެކު، ފިނޭންސް މިނިސްޓަރު ޑރ. މުހައްމަދު ޝަފީގް، ކޮންސްޓްރަކްޝަން އަދި އިންސްފްރާންސްޓްރަކްޗާ މިނިސްޓަރު ޑރ. އަބްދުﷲ މުއްތަލިބް އަދި ސަރުކާރު އިސް އޮފިޝަލުން ބައިވެރިވެވަޑައިގަންނަވާނެއެވެ.

މި ދަތުރުފުޅު މި ކުރައްވަނީ ސަރުކާރުގެ ޚަރަދު ކުޑަކުރުމަށް އަންގާ ފިނޭންސުން ސާކިއުލާ ނެރެ ރައީސް މުހައްމަދު މުއިއްޒު ސިޔާސަތުފުޅުތަކެއް ކަނޑައަޅަފައިވަނިކޮށް ކަމަށް ވުމުން މި ދަތުރުގެ ޚަރަދާ ގުޅޭގޮތުން ތޭރަ އޮންލައިންއިން ސަރުކާރުގެ އިސް ތަރުޖަމާނު ހީނާ ވަލީދާ ކުރި ސުވާލެއް ޖަވާބެއް ދެއްވާފައި ނުވެއެވެ.