އައްޑޫ ސިޓީގައި ހުންނަ ޕޮލިސް ކޮލެޖުން ކާނާ ވިހަވެ އައިސީޔޫގައި ފަރުވާ ދެމުންދިޔަ ދަރިވަރު ވޯޑަށް ބަދަލުކޮށްފިއެވެ.
އައްޑޫ ޕޮލިސް ކޮލެޖްގެ ދަރިވަރުންތަކެއް ކާނާ ވިހަވެ ފަރުވާއަށް އައްޑޫ އިކްއެޓޯރިއަލް ހޮސްޕިޓަލް (އޭއީއެޗް) އަށް ގެންގޮސް ފަރުވާ ދޭން ފެށީ ވުދަ ދުވަހުގެ ރެއެވެ.
އެ ހާދިސާގައި ޖުމްލަ 32 ދަރިވަރަކު ހޮސްޕިޓަލުގައި އެޑްމިޓްކުރަން ޖެހުނު ކަމަށާއި އޭގެ ތެރެއިން ފަސް ދަރިވަރަކަށް އައިސީޔޫގައި ފަރުވާދޭން ޖެހުނު ކަމަށް މީގެ ކުރިން ފުލުހުން ހާމަކޮށްފައިވެއެވެ.
އޭގެތެރެއިން ފަސް ދަރިވަރަކަށް އައިސީޔޫގައި ފަރުވާ ދީ ދަރިވަރުން ދޫކޮށްލާފައިވާއިރު އަނެއް ދަރިވަރަށް އައިސީޔޫގައި ފަރުވާ ދިނުމަށް ފަހު މިހާރު ވަނީ ވޯޑަށް ބަދަލުކޮށްފައެވެ،
ފުލުހުން ބުނެފައިވަނީ އައިސީޔޫގައި ފަރުވާދެމުންދިޔަ ދަރިވަރުވެސް މިހާރު ވޯޑަށް ބަދަލުކޮށްފައިވާ ކަމަށެވެ. ވޯޑުގައި މިހާރު ދެ ދަރިވަރުންތިބިއިރު، އެ ދެ ދަރިވަރުންގެ ހާލުވެސް ރަނގަޅުކަމަށް ފުލުހުން މައުލޫމާތުދެއެވެ.
ކާނާ ވިހަވެ، ހާލު ދެރަވެގެން 32 ދަރިވަަރަކު އެޑްމިޓްކޮށް ފަރުވާ ދީފައިވެއެވެ. ކާނާ ވިހަވި ސަބަބު ދެނެގަތުމުގެ މަސައްކަތް ފުލުުހުން އަންނަނީ ހޮސްޕިޓަލާ ގުޅިގެން ކުރަމުން ކަމަށް ފުލުހުންގެ ތަރުޖަމާނު އަދި އެސިސްޓަންޓް ކޮމިޝަނަރު އަހުމަދު ޝިފާން ވިދާޅުވިއެވެ.
ޕޮލިސް ކޮލެޖްގައި ކޭޓަރިންގެ އިންތިޒާމު ހަމަޖައްސާފައި އޮންނަނީ އައުޓްސޯސްކޮށްގެން އަމިއްލަ ފަރާތަކާ ހަވާލުކޮށްގެންނެވެ.
