ޓިކްޓޮކް ލައިވެއްގައި ހިނގި ޖުވާބަކާ ގުޅިގެން މާލޭގައި ދެމީހެއްގެ ދެމެދު ހަމަނުޖެހުމެއް ހިންގައިފިއެވެ.

މިކަމާ ގުޅިގެން މައުލޫމާތު ދެމުން ފުލުހުން ބުނެފައިވަނީ ޓިކްޓޮކް ލައިވްއެއްގައި ހިނގި ދެބަސްވުމެއްގައި މިއަދު ހެނދުނު މާފަންނު ގެއަކަށްވަދެ ހަމަނުޖެހުން ހިންގަން ދެ މީހަކު އުޅުނު ކަމަށެވެ.

އެކަމުގެ ތުހުމަތުގައި ދެ މީހަކު ފުލުހުންގެ ބެލުމުގެ ދަށަށް ގެނައި ކަމަށް އެ މުއައްސަސާއިން ބުނެފައިވެއެވެ. އަދި އެމީހުން މިހާރު ދޫކޮށްލާފައިވާކަމަށް ވެސް ފުލުހުން މައުލޫމާތުދެއެވެ.

މި މައްސަލައާގުޅޭ އިތުރު ތަފުސީލެއް ފުލުހުން ހާމައެއް ނުކުރެއެވެ.