ފާއިތުވި 8 މަސްދުވަހުގެ ތެރޭގައި ޖުމުލަ 39 ފަރާތަކުން ރާއްޖޭގައި އިސްލާމްދީން ގަބޫލުކޮށްފައިވާކަމަށް އިސްލާމިކް މިނިސްޓްރީން ހާމަކޮށްފިއެވެ.

އިސްލާމިކް މިނިސްޓްރީން ކުރިއަށް ގެންގޮސްފައިވާ މަސައްކަތްތަކާއި އެކި ތަފާސްހިސާބުތައް ދައްކައިދިނުމަށް ހުޅުވި އެ މިނިސްޓްރީގެ މީޑިއާ މައުރަޒުގައި ބަހައްޓާފައިވާ ސްޓޯލެއްގައި އާންމުކޮށްފައިވާގޮތުން 39 މީހަކު އިސްލާމް ދީން ގަބޫލުކޮށްފައިވަނީ ޖުމުލަ 13 ގައުމަކުންނެވެ.

މީގެ ތެރޭގައި ހިމެނެނީ ޕިލިޕީންސްގެ 8 މީހަކާއި އިންޑޮނޭޝިއާގެ 3 މީހަކާއި ރަޝިޔާގެ 3 މީހަކާއި އިޓަލީގެ 3 މީހަކާއި ތައިލެންޑްގެ 3 މީހަކާއި ސްރީލަންކާގެ 3 މީހަކާއި އިންޑިއާގެ 5 މީހަކާއި ނޭޕާލްގެ 4 މީހަކާއި ވިއެޓްނާމުގެ 2 މީހަކާއި ޖަރުމަނުގެ 2 މީހަކާއި އަދި ސްޕެއިން, މެލޭޝިއާ, ޖަޕާން މި ތިން ގައުމުން ކޮންމެ ގައުމަކުން މީހެކެވެ.