މެމްބަރު އައްބާސް / ރައްޔިތުންގެ މަޖިލިސް
ސިޔާސީ
ޕީޖީ ޝަމީމް ވަކިކުރާނެކަމުގެ އިންޒާރެއް މެމްބަރ އައްބާސް ދީފި
Aishath Naja
އައިޝަތު ނަޖާ
23 ޖުލައި 2024
މާލެ ސިޓީ

ޒިންމާ އަދާނުކުރާ ނަަމަ ޕްރޮސެކިއުޓާ ޖެނެރަލް ވެސް ބޭރުކުރާނެ ކަމަށް ވިދާޅުވެ، ރައްޔިތުންގެ މަޖިލީހުގެ ވެލިދޫ ދާއިރާގެ މެމްބަރު މުހައްމަދު އައްބާސް، ޕްރޮސެކިއުޓާ ޖެނެރަލް ހުސައިން ޝަމީމަށް އިންޒާރެއް ދެއްވައިފި އެވެ.

ޖިނާއީ އިޖުރާއަތުގެ ގާނޫނަށް ބަދަލު ގެންނަން ސަރުކާރުގެ ފަރާތުން މަނަދޫ ދާއިރާގެ މެންބަރު ހުސްނީ މުބާރަކް ހުށަހަޅުއްވާފައިވާ ބިލަށް މަޖިލީހުގެ މިއަދުގެ ޖަލްސާގައި ކުރި ބަހުަސްގައި އައްބާސް ވިދާޅުވީ ޕްރޮސެކިއުޓާ ޖެނެރަލް އަކީ "އެ އިރެއްގައި އޮންނަ ސަރުކާރެއްގެ ޕްރޮސެކިއުޓާ ޖެނެރަލެއް ނޫން" ކަމަށެވެ. އެއީ "ޕްރޮސެކިއުޓާ ޖެނެރަލްގެ އަރިސްބޭފުޅުންގެ ޕްރޮސެކިއުޓާ ޖެނެރަލެއް ނޫން" ކަމަށް ވެސް އޭނާ ވިދާޅުވި އެވެ.

ރައްޔިތުންނަށް އަނިޔާވެރިވާ އަދި ރައްޔިތުން އެދޭ ގޮތަށް ކަންތައް ނުކުރައްވާ އެއްވެސް ބޭފުޅަކު މަގާމުގައި ހުންނަވަން ރައްޔިތުންގެ މަޖިލީހުގެ މެންބަރުން ފުރުސަތު ނުދެއްވާނެ ކަމަށް ވެސް އައްބާސް ވިދާޅުވިއެވެ.

އައްބާސް މިފަދައިން ވިދާޅުވެފައިވާއިރު ޝަމީމް ވަކިކޮށް ވާނުވާ ބަންދު އުވާލުމަށް އެކި އެކި ފަރާތްތަކުން އަންނަނީ ގޮވަމުންނެވެ.

ކޮމެންޓު
Copyright © 2013-2025 Media Ring Pvt Ltd.
All rights reserved