ކުރިއަށް އޮތް ރައްޔިތުންގެ މަޖިލީހުގެ އިންތިހާބުގައި ރައީސް އަބްދުﷲ ޔާމީން އަބްދުލް ޤައްޔޫމް އަލަށް އުފައްދަވާ ސިޔާސީ ޕާޓީ، ޕީޕަލްސް ނެޝަނަލް ފްރަންޓް (ޕީއެންއެފް)ގެ ފަރާތުން ވާދަކުރައްވާ ކެންޑިޑޭޓުން ތައާރަފް ކުރުމަށް ހާއްސަ ޖަލްސާއެއް ބޭއްވުމަަށް ހަމަޖެހިއްޖެއެެވެ.
ރައްޔިތުން މަޖިލީހުގެ އިންތިހާބުގައި ވާދަކުރައްވާ ކެންޑިޑޭޓޫންގެ ތައާރަފެއް ދިނުމަށް ބާއްވާ މި ޖަލްސާ އޮންނާނީ، ޕީއެންއެފް ފްރަންޓް އޮފީހުގައެވެ.
ބުރާސްފަތި ދުވަހުގެ ރޭ 20:45 ގައި ބޭއްވުމަށް ހަމަ ޖެހިފައިވާ މި ޖަލްސާގައި ތައާރަފް ކުރުމަށް ހަމަ ޖެހިފައިވަނީ، މަޖިލިސް އިންތިހާބުގައި ގއ.ވިލިނގިލި ދާއިރާއަށް ކުރިމަތިލައްވާ އުސްތާޒް އަލި ޝާހު، ތިނަދޫ ދާއިރާއަށް ކުރިމަތިލައްވާ ކެންޑިޑޭޓް ސައުދަތު ޝާކިރު، ހުޅުމާލެ އުތުރު ދާއިރާ އަށް ކުރިމަތިލައްވާ ކެންޑިޑޭޓް އަހުމަތު ލަތީފް (ލަތީ) ގެ އިތުރުން ހެންވެއިރު ހުޅަނގު ދާއިރާއަށް ކުރިމަތިލައްވާ ނާއިފް ޝައުކަތެވެ.
މި ޖަލްސާ ބެލުންތެރިންނާއި ހަމައަށް ގެނެސްދިނުމަށްޓަކައި ޗެނަލް 13 އިން ލައިވްކޮށް ގެނެސްދޭނެއެވެ.
