ރައްޔިތުންގެ މަޖިލީހުގެ ޕީއެންސީ މެމްބަރުންނަށް ރައީސް ޑރ. މުހައްމަދު މުއިއްޒުގެ ފަރާތުން ކޮންމެ މަހަކު 1 ލައްކަ ރުފިޔާ ދެއްވާނެ ކަމަށް ވިދާޅުވެ މި މަހުވެސް ދެވޭނީ ބައިލައްކަ ރުފިޔާ ކަން ހާމަވެެއްޖެއެވެ.
"ތޭރަ އޮންލައިން" އަށް މައުލޫމާތު ދިން މެމްބަރަކު ވިދާޅުވީ ރައީސް މުއިއްޒު މެމްބަރުންނަށް ވައުދުވީ އެއް ލައްކަ ރުފިޔާ ދެއްވާނެކަމަށެވެ.
ނަމަވެސް ނިމިދިޔަ ދެ މަހު ވެސް ދެއްވާފައި ވަނީ ބައި ލައްކަ ރުފިޔާކަމަށެވެ.
އަދި މި މަހު އެއް ލައްކަ ދެއްވާނެ ކަމަށް އޭރު ވިދާޅުވި ނަމަވެސް ފަހުން ވިދާޅުވީ މި މަހުވެސް ދެވެން އޮތީ ކޮންެމެ މެމްބަރަކަށް ވެސް ބައި ލައްކަ ކަމަށެވެ.
ރައްޔިތުންގެ މަޖިލީހުގައި ސަރުކާރު ތަމްސީލް ކުރާ ޖުމްލަ 75 މެމްބަރުން ތިބޭއިރު އެ މެމްބަރުންނަށް ބައި ލައްކަ ރުފިޔާ ދޭން މަހެއްގެ މައްޗަށް 3.75 މިލިއަން ރުފިޔާ ހޭދަވާނެ އެވެ.
އެ ފައިސާއާ ނުލައި ވެސް ކޮންމެ މަޖިލިސް މެމްބަރަކަށް 82،500 ރުފިޔާ ލިބިގެންދެޔެއެވެ.
މިދިޔަ މަހުވެސް މުލިއާގެއިން މެމްބަރުންނަށް 50،000 ރުފިޔާ ދިން ކަމަށް ބުނުމުން ސަރުކާރުން ވަނީ އެކަން ދޮގުކޮށްފައެވެ.
ނަމަވެސް "ތޭރަ އޮންލައިން" އަށް ވަނީ އެ ފައިސާ މިދިޔަ މަހުވެސް އަދި މި މަހުގައި ވެސް ދިން ކަން ހާމަވެފައެވެ.
އަދި ކުރިޔަށް އޮތް މަސްތަކުގައި ވެސް ދެމުން ގެންދާނެކަން ވަނީ ޔަގީންވެފައެވެ.
ދައުލަތުގެ ފައިސާ ނަހަމަގޮތުގައި ބޭނުންކުރަމުން ދާތީވެ، އާންމުން އަންނަނީ ސަރުކާރަށް ފާޑުކިޔުން އަމާޒުކުރަމުންނެވެ.
