ރައީސް މުހައްމަދު މުއިއްޒަކީ ބާރުތައް ލިބުމުން ވައުދާ ޚިލާފުވާ ބޭފުޅެއް ކަމަށް ރާއްޖޭގެ ކުރީގެ ނައިބު ރައީސް ޑރ. މުހައްމަދު ޖަމީލު އަހުމަދު ވިދާޅުވެއްޖެއެވެ.

ޑރ. ޖަމީލު މިފަދައިން ވިދާޅުވީ އެކްސްގައި ކުރެއްވި ޕޯސްޓެއްގައެވެ.

ސިނަމާލެ ބުރޖިުން ފީ ނުނަގާނެ ކަމަށް ވިދާޅުވެ ރިޔާސީ އިންތިހާޞުގައި ދެއްކެވި ވާހަކަފުޅާ ޚިލާފުވެވަޑައިގެން ރައީސް މުއިއްޒުވަނީ ސިނަމާލެ ބުރިޖުން ދަތުރުކުރާ އުޅަނފުތަކުން ފީ ނަގަނަ ނިންމަވާފައެވެ.

މިކަމަށް އިޝާރާތްކުރައްވާ ޑރ. ޖަމީލު ވިދާޅުވީ، ރައީސް މުއިއްޒަކީ ކަނޑައެޅިގެން ދޮގުހަދާ ބޭފުޅެއްކަމަށާ ތަކުރާރުކޮށް ކެމްޕެއިނުގައި ވަކި ވާހަކައެއް ދެއްކެވުމަށްފަހު، ބާރު ލިބުމުން ރައީސް މުއިއްޒު ވައުދާއި ޚިލާފުވެއްޖެ ކަމަށެވެ.

މިފަދަ ކަންކަމުން ހާމަވަމުންދަނީ މިދަނީ ރައީސް އަބްދުﷲ ޔާމީނާ ރައީސް މުއިއްޒާ ހުރި ތަފާތު ކަމަށް ވިދާޅުވެ ޑރ. ޖަމީލު ވިދާޅުވީ، އެއްބޭފުޅަކު ބްރިޖް ހައްދަވާ ޓެކްސް ނުނަންގަވާ އެ ބްރިޖުން ރައްޔިތުންނަށް ޚިދުމަތް ދެއްވި ކަމަށެވެ.

ނަމަވެސް ރައީސް މުއިއްޒަށް އެއްވެސް މުދަލެއް ދައުލަތަށް އިތުރު ނުކުރައްވާ ގެންދަވަނީ ރައީސް ޔާމީނު ހެއްދެވި ތާރީޚީ ބްރިޖް އަދި ހިލޭދެއްވި ޚިދުމަތުން ފީ ނަންގަވަން ކަމަަށެވެ.

މީގެ އިތުރުން ރައީސް ޔާމީނު ހިއްކެވި ހުޅުމާލޭ ބިން ރައީސް މުއިއްޒު ރާޖޫއަށް ވިއްކާލިކަން ފާހަގަކުރައްވާ ޑރ. ޖަމީލުވަނީ މިފެންނަނީ ރައިސް ޔާމީނު ފަދަ ވިޝަނަރީ ލީޑަރަކާ، ނުބައި ރޭވުމުން ޕާޓީއާ ވެރިކަން ޖަހައިގަތް ފަރާތަކާ ހުރި ތަފާތު ކަމަށް ވިދާޅުވެފައެވެ.

ހަމައެހެންމެ ރައްޔިތުން މިއަދު ގަބޫލް ކުރަނީ ރައީސް މުއިއްޒަކީ އިތުބާރު ނުކުރެވޭ، ވެރިކަން ކުރުމުގެ ހުނަރެއް ނެތް، ރައްޔިތުންނަށް އޮޅުވާލާ ތަކުރާރުކޮށް ދޮގުހަދާ ވެރިއެއްކަމަށް ކަމަށް ވެސް ޑރ. ޖަމީލު ވިދާޅުވިއެވެ.