ރިޔާސީ އިންތިޚާބްގެ ކެމްޕެއިން ދުވަސްވަރު ތ. ކިނބިދޫ ޒުވާނުންނަށް ވީ ވައުދާ ހިލާފްވެއްޖެއެވެ.

ވެރިކަމަށް އައުމުގެ ކުރިން އެ ރަށަށް ވަޑައިގެން އެ ރަށަށް ކޮށްދެއްވާނެ އެވެނި މިވެނި ކަމެއް ރައީސް މުއިއްޒު ފާހަގަކުރެއްވި އިރު އެ ރަށު ޒުވާނުން ކުޅޭނެ ފުޓްބޯޅަ ދަނޑު ހަދައި ތަރައްގީ ކޮށްދެއްވާނެ ކަމަށް ވަނީ ވައުދުވެފައެވެ.

ނަމަވެސް ވެރިކަމަށް 8 މަސް ވެގެންދިޔަ އިރު ވެސް ކިނބިދޫ ދަނޑު އޮތީ އަދިވެސް އެ ހާލުގައެވެ.

ދަނޑުގެ އަމަލީ މަސައްކަތް ފެށިފައިނުވާތާ ދަނޑު ހެދުމަށް ސަރުކާރުން އެއްވެސް ބަޔަކާ ހަވާލުކޮށްފައި ވެސް ނުވެއެވެ.

ޒުވާނުންނަށް ހެޔޮ ވެރިކަމެއް ކޮށްދޭން އައި ވެރިންގެ ފަރާތުން ފެނިގެންދަނީ ޒުވާނުން ބާކީކޮށް އެ ޒުވާނުންނަށް ވީ ވައުދުގެ މަތިން ހަނދާން ނައްތާލަމުންދާ މަންޒަރެވެ.