ވޯޓު ދިނުމަށް ރައްޔިތުންނާ އެކު ވީ ކޮންޓްރެކްޓާ ރައީސް މުހައްމަދު މުއިއްޒު ޚިލާފުވެފައިވާ ކަމަށް ކުރީ ޑރ. މުހައްމަދު ޖަމީލު އަހުމަދު ވިދާޅުވެއްޖެއެވެ.

ޑރ. ޖަމީލު މިހެން ވިދާޅުވީ ދަ ފްރޮންޓު އޮފީހުގައި ބޭއްވި ޖަލްސާގައި ވާހަކަ ދައްކަވަމުންނެވެ.

ޑރ. ޖަމީލު ވިދާޅުވީ، ރައީސް އަބްދުﷲ ޔާމީން މިނިވަންކުރުމުގެ މުގާބިލުގައި ރައްޔިތުން ރައީސް މުއިއްޒަށް ވޯޓުދިންކަން އެއީ ހާމައަށް ފެންނަން އޮތް ކަމެއް ކަމަށާ ނަމަވެސް އޭރު ރައީސް ޔާމީނަށް އަނިޔާވެރިވުމުގައި ބައިވެރިވި މީހުންނާ ރައީސް ޔާމީނާ ދެކޮޅަށް ދޮގު ހެކި ބަސްދިން މީހުންވެސް މިއަދު ސަރުކާރުގެ ބައިވެރިން ގޮތުގައި ހަދަމުން ރައީސް މުއިއްޒު ގެންދަވާކަން ޑރ. ޖަމީލު ފާހަގަކުރެއްވިއެވެ.

ޑރ. ޖަމީލު ވިދާޅުވީ އެހެންކަމުން ވޯޓު ހޯދަން ހިފި އަހުދު ކަށަވަރާ ޚިލާފުވުމުން ސަރުކާރުގެ ޖާއިޒުކަން ގެއްލިފައިވާ ކަމަށެވެ.