ގަވާއިދާ ހިލާފަށް ވިޔަފާރި ކުރަމުން އަންނަ ބިދޭސީން ހޯދުމަށް ފެށި އޮޕަރޭޝަނުގެ ތެރެއިން އިތުރު 16 ބިދޭސީން އަތުލައިގެންފައިވާ ކަމަށް އިމިގްރޭޝަނުން ބުނެފިއެވެ.

އިމިގްރޭޝަނުން ބުނީ، ގަވާއިދާ ހިލާފަށް އުޅޭ ބިދޭސީންގެ މައްސަލަ ހައްލުކުރުމަށް ކުރަމުންދާ މަސައްކަތުގެ ތެރެއިން، 16 ބިދޭސީން އަތުލައިގެންފައިވަނީ ރޭ މާލޭގެ 04 ތަނެއް ބަލައި ފާސްކޮށްގެން ކަމަށެވެ.

ރާއްޖޭގައި ގަވައިދާ ހިލާފަށް ވިޔަފާރި ކުރަމުން އަންނަ ބިދޭސީން ހޯދުމުގެ އޮޕަރޭޝަން ފެށިތާ މަދު ދުވަސްކޮޅެއްގެ ތެރޭގައި 100 އަށްވުރެ ގިނަ މީހުން އަތުލައިގަނެ ވަނީ ޑީޕޯޓް ކުރުމުގެ މަސައްކަތް ފަށާފައެވެ.

ރާއްޖޭގައި ގަވާއިދާ ހިލާފަށް އުޅޭ ބިދޭސީންގެ މައްސަލަ ހައްލުކުރުމަށް ކުރަމުންދާ މަސައްކަތުގެ ތެރެއިން އެންމެ ގިނައިން ފާހަގަކުރެވިފައިވަނީ ދިވެހިންގެ ހިޔާވަހިކަމުގެ ނިވަލުގައި ތިބެގެން އަމިއްލައަށް ވިޔަފާރި ކުރަމުންދާ ފަރާތްތަކާއި، ދިވެއްސަކާއި ނުގުޅި އަމިއްލަ ވިޔަފާރި ހިންގާ ބިދޭސީންގެ އިތުރުން ކުށުގެ ވެށީގައި އުޅޭ ބިދޭސީންނެވެ.