ނ. މަނަދޫގައި މިދިޔަ އަހަރު މަރާލާފައި އޮއްވައި ފެނުނު ނައީމާ މޫސާގެ މަރުގެ މައްސަލާގެ ޝަރީއަތް މިއަދު ފަށަން ހަމަޖެއްސުމަށް ފަހު ކެންސަލްކޮށްފި އެވެ.
ނައީމާ ދިރިއުޅޭ ގޭގެ ތެރޭގައި މަރާލި މައްސަލާގައި ދައުލަތުން ދައުވާކޮށްފައިވަނީ އެރަށު ފިނިފެންމާގޭ އަބްދުލްވާހިދު ރިފާސް އާއި އެރަށު ފެހިވިލާގޭ އަޒުހަމް އަބްދުއްޝުކޫރާއި އެރަށު ވިނަރެސް، ހުސައިން ފަވާޒުގެ މައްޗަށެވެ.
ތޫނު އެއްޗެއް ބޭނުންކޮށްގެން ގަސްދުގައި މީހަކު މެރުމުގެ ދައުވާކޮށްފައިވާއިރު އ އަދުލު އިންސާފު ގާއިމްކުރަން ހުރަސް އެޅުމުގެ ދައުވާ އާއި މައްޔިތާގެ ބޭނުން ނަހަމަ ގޮތުގައި ހިފުމުގެ ދައުވާވެސް ވަނީ ކޮށްފައެވެ.
އޭގެ ތެރެއިން ރިފާސް އާއި ފަވާޒްގެ ޝަރީއަތް މިއަދު ފަށަން ހަމަޖެއްސުމަށްފަހު ތާވަލްކުރީ ކަރެކްޝަންސްއިން މީހުން އުފުލުމަށް ބޭނުންކުރާ ލޯންޗް ހަލާކުވެ، އެ މީހުން މާލެ ނުގެނެވޭތީ ކަމަށް ކްރިމިނަލް ކޯޓުން ވަނީ މައުލޫމާތު ދީފައެވެ.
