59 ވަނަ މިނިވަންދުވަހުގެ އިހްތިފާލުން ސަރުކާރުގެ  ކުންފުނިތަކުގެ މެނޭޖިންގ ޑިރެކްޓަރުން ބާކީ  ކުރިކަން ހާމަވެއްޖެއެވެ.

މި ކަން ތޭރައޮންލައިން އަށް ވަނީ ޔަގީންވެފައެވެ.

މިނިވަން ދުވަހުގެ ރަސްމީ ޖަލްސާއަށް ވުޒާރާ ތަކުގެ އެންމެ އާދައިގެ ޕޮލިޓިކަލް ޑިރެކްޓަރުންނަށް ވެސް ވަނީ ދައުވަތު ދީފައެވެ.

ނަމަވެސް ޖަލްސާއަށް ސަރުކާރުގެ ކުންފުނިތަކުގެ އެމްޑީ އިންނަށް  ދައުވަތު ދީފައިނުވެއެވެ.

މައުލޫމާތު ލިބުނުގޮތުގައި ކުންފުނިތަކުގެ އެމްޑީއިންނަށް ޖަލްސާގައި ބައިވެރިވެވޭތޯ ވެސް ރައީސް އޮފީހުން ވަނީ ކަށަވަރުކޮށްފައެވެ.

މިއީ އަލަށް ދިމާވި ކަމެއް ކަން ފާހަގަކޮށްލެވެއެވެ.

މީގެ ކުރިން މިގޮތައް ބާއްވާ ޖަލްސާތަކަށް ހުރިހާ ސަރުކާރަކުން ވެސް ކުންފުނިތަކުގެ ބޮޑުންނަށް ދައުވަތު އަރުވައެވެ.

މިފަދަ ބޮޑު ހަފްލާއަކަށް ކުންފުނިތަކުގެ  ވެރިންނަށް ދައުވަތު ނުދެއްވި ސަބަބެއް ހާމަވެފައިނުވެއެވެ.

މިނިވަން ދުވަސް ރާއްޖޭގައި ފާހަގަކުރަމުން ގެންދާއިރު މިނިވަންކަމުގެ އިހުސާސް އެއްވެސް ފަރާތަކަށް ނުކުރެވެއެވެ.

މި ސަރުކާރު ވެރިކަމާ ހަވާލުވީ ހުރިހާ ގޮތަކުން ވެސް މިނިވަންކަން އިހުސާސްކޮށް ދެއްވާނެކަމުގެ ވައުދާއެކުގައެވެ.

ނަމަވެސް އެ މަންޒަރު ނުފެންނާތީ އާންމުންގެ ގިނަ ބަޔަކު އަންނަނީ ސަރުކާރަށް ފާޑުކިޔުން އަމާޒުކުރަމުންނެވެ.