59 ވަނަ މިނިވަން ދުވަސް ރާއްޖޭގައި ފާހަގަކުރަމުން ދިޔައިރުވެސް ދިވެހީންނަށް ޖެހުނީ ޙައްގުތައް ކަށަވަރުކުރަން މުޒާހަރާކުރަންކަން ހާމަވެއްޖެއެވެ.

އެގޮތުން މިނިވަން ދުވަހުގެ ޚާއްސަ އިހުތިފާލު ސޯޝަލް ސެންޓަރުގައި ކުރިއަށް ދިޔަ ވަގުތު، ފްލެޓާ ބިން ނުލިބިގެން ދިވެހީން ވަނީ އިހުތިޖާޖުކޮށްފައެވެ.

ބުރިޖު ވިއު ޕްލެޓު ފޯމާ ކައިރީ ކުރިއަށް ދިޔަ ސުލްހަ ވެރި އިހުތިޖާޖުގައި ބައިވެރިން ވަނި ބޯހިޔާވަހިކަމަށް ހައްލު ގެނެސްދިނުމަށް ގޮވާލާފައެވެ. އަދި ފްލެޓްތަކުގެ މައްސަލަ ދިގުލައިގެން ދިއުމާއި، ގުޅީފަޅު މަޝްރޫޢުގެ އިތުރުން ހުޅުމާލެ ފޭސް 3 ގެ މަޝްރޫޢުތައް ހުއްޓާލުމަކީ ރައީސް މުޢިއްޒުގެ ސިޔާސީ އެޖެންޑާތަކާ ގުޅިފައިވާ ކަންކަން ކަމަށް ރައްޔިތުން ތުހުމަތުކޮށްފައިވެއެވެ.

ހަމައެހެންމެ ހައްގުތައް ކަށަވަރުކުރަން ރައްޔިތުން ދެން އިހުތިޖާޖުކޮށް މަގުމަތީ އަޑުގަދަ ކުރަން ނުޖެހޭނެކަމަށް ވިދާޅުވި ނަމަވެސް އަދިވެސް އެކަން އޮތީ އެހެންކަމަށް ވެސް އިހުތިޖާޛުގެ ބައިވެރިން ބުނެފައިވެއެވެ.

ކުރީގެ ރައީސް އިބްރާހީމް މުހައްމަދު ސޯލިހްގެ ސަރުކާރުން މާލޭގެ ރައްޔިތުންނަށް ގޯތި ދޫކުރުމަށް ކުރިއަށް ގެންދިޔަ "ބިންވެރިޔާ" ސްކީމުގެ ތެރެއިން 9،000 އަށް ވުރެ ގިނަ ގޯތި ދޫކޮށްފައިވެ އެވެ. މި ގޯތި ދޫކޮށްފައިވަނީ ހުޅުމާލޭގެ އިތުރުން ގުޅީފަޅާއި ގިރާވަރުފަޅުންނެވެ.

މި ސަރުކާރު ވެރިކަމާ ހަވާލުވިތާ 15 ދުވަސް ފުރުނު ދުވަހު، މުޅި ރާއްޖެއަށް ފައިދާކުރާނެ ބޮޑު މަޝްރޫޢެއް ފަށާފައިވާ ކަމަށް ބުނެ ޚަބަރު ފެތުރުން ފިޔަވައި، އެހެން އެއްވެސް ކަމެއް ކުރެވިފައެއް ނުވެއެވެ.