ދިވެހިރާއްޖޭގެ ފުރަތަމަ ޗީފް ޓެކްނޮލޮޖީ އޮފިސަރު (ސީޓީއޯ) ހއ. އިހަވަންދޫ ވައިޖެހޭގެ ހާމިދު ޝަފީއު ނިޔާވެއްޖެއެވެ.

"ތޭރަ އޮންލައިން"އަށް މައުލޫމާތު ލިބިފައިވާ ގޮތުގައި ހާމިދު ނިޔާވެފައިވަނި އާލާސްކަންފުޅަކަށް ފަރުވާ ހޯއްދަވަމުން ގެންދަވަނިކޮށް އިންޑިއާގައެވެ.

ހާމިދު ނިޔާވުމާ ގުޅިގެން ގިނަ ބަޔަކު ގެންދަނި މީސް މީޑިޔާގެ އެކި މަންސަތަކުގައި އެ އާއިލާއަށް ތައުޒިޔާ ކިޔަމުންނެވެ. އޭގެ ތެރޭގައި ކުރީގެ ރައީސް އިބްރާހިމު މުހައްމަދު ސޯލިހުއާ އަދި ކުރީގެ ނައިބު ރައީސް ފައިސަލް ނަސީމުވެސް ހިމެނިވަޑައިގަންނަވައެވެ.

ރައީސް އޮފީހުގެ ސީޓީއޯގެ މަގާމަށް ހާމިދު އައްޔަން ކުރެއްވީ 2019 ގައި ރައީސް އިބޫގެ ވެރިކަމުގައެވެ.

އޭގެ ކުރިން އޭނާ ވަނީ ރައީސް އޮފީހުގައި 1998 އިން ފެށިގެން 2007ގެ ނިޔަލަށް އިންފޮމޭޝަން ޓެކްނޮލޮޖީ ޑިޕާޓްމެންޓްގެ މެނޭޖާ ޓެކްނިލިކަން ސާވިސެސް ޔުނިިޓުގައި މަސައްކަތް ކުރައްވާފައެވެ. އަދި އިންޓެލެކްސީ ނެޓްވޯކްގެ ސީނިއާރ އެންޓަޕްރައިޒް ކޮންސަލްޓެންޓެއްގެ މަގާމު ވެސް އަދާކުރައްވާފައިވެއެވެ.

ހާމިދުއަކީ އިނގިރޭސިވިލާތުގެ ޔުނިވާސިޓީ ކޮލެޖް އޮފް ލަންޑަން އިން ކޮމްޕިއުޓާ ސައިންސްގެ ދާއިރާއިން ބެޗެލާސް ޑިގްރީ ހާސިލުކުރައްވާފައިވާ ބޭފުޅެކެވެ.