އަޑަށް ބާރުލާފައި ބަޔަކު މީހުން ދެއްކި ވާހަކަތައް ހަނދާން އެބަހުރިތޯއެވެ. ވޭތުވެގެން ދިޔަ ފަސް އަހަރު ވެރިކަން ކުރެއްވީ ނަމުން ޞާލިހް އަދި ކަމުން ޖާހިލް ބޭފުޅެކޭ ބަޔަކު މީހުން ކިޔާތީ އަޑުއިވެއެވެ. އެ ފަސް އަހަރު ނުހިނގާ ކަމެއްނެތީއެވެ. އިދިކޮޅުގައި އޮވެ އަދުގެ ސަރުކާރުން ދިޔައީ ވެރިކަން ލިބިއްޖިއްޔާ ހުރިހާ ކަމެއްވެސް ފަޅައިއަރުވާނެކަމަށް ބުނަމުންނެވެ.

މިއޮތީ ވެރިކަން ލިބިފައެވެ. 2023 ވަނަ އަހަރުގެ ރިޔާސީ އިންތިޚާބްގެ ކެމްޕެއިން ދުވަސްވަރު ރައްޔިތުންނަށް އެވެނި މިވެނި ކަމެއް ކޮށްދެއްވާނެކަމަށް ވައުދުވެވަޑައިގެންފައިވެއެވެ. އެގޮތުން ބައެެއް ކަންކަމަކީ އޭގެ ފުންމިނަށް ދިޔުން ވަރަށް މުހިންމު ކަންކަމެވެ.

2019 ވަނަ އަހަރު މޯލްޑިވިއަން ޑިމޮކްރަސީ ނެޓްވޯކް (އެމްޑީއެން) ކިޔާ ޖަމުއިއްޔާއަކުން ޕްރިލިމިނަރީ އެސެސްމަންޓް އޮފް ރެޑިކަލައިޒޭޝަން އިންދަ މޯލްޑިވްސްގެ ނަމުގައި ނެރުނު ރިޕޯޓުގައި އިސްލާމްދީނުގެ ހުކުމްފުޅުތަކަށް ގޮންޖަހާފައިވެ އެވެ. އަދި ސުކޫލުތަކުގައި ދަރިވަރުންނަށް ކިޔަވައިދޭ ދީނީ މުގައްރަރު ބަދަލުކުރުމަށް ގޮވާލާފައިވެއެވެ.

100 އަށްވުރެ ގިނަ ދީނީ އިލްމުވެރިން އެ ރިޕޯޓާއި ދެކޮޅަށް ބަޔާން ނެރުނުއިރު 100 އެތައް ކައުންސިލަކުން އެ ރިޕޯޓު ކުށްވެރިކޮށް، އެމްޑީއެން އުވާލުމަށް ކުރީގެ ސަރުކާރަށް ގޮވާލާފައިވެއެވެ. އެމްޑީއެންއާއި ދެކޮޅަށް ރާއްޖޭގެ ރައްޔިތުން ނިކުމެ މުޒާހަރާ ކުރުމުން ވެސް އުވާލީ ޖަމުއިއްޔާގެ 3 އަކުރު އެކަނި ކަން ވެސް ފާހަގަކޮށްލެވެއެވެ.

މިހާތަނަށް ވެސް އެ ރިޕޯޓު އެކުލަވާލި މީހުންނަށް ފިޔަވަޅެއް އަޅާފައިނުވެއެވެ. ރައީސް އިބްރާހިމް މުހައްމަދު ޞާލިހް 5 އަހަރު ވެރިކަން ނިންމާލީ ލާދީނީ އެމްޑީއެން ރިޕޯޓު ނެރުނު މީހުންނަށް ރައްޔިތުންގެ ޓެކްސް ފައިސާއިން 5 އަހަރު ވަންދެން ބޮޑު މުސާރަ ދީފައެވެ. މިކަމަށްވެސް ނިމުމެއް އައި ކަމަށް ހީކޮށް ހުއްޓާ ދެން މި ފެނުނީ އެޔަށްވުރެވެސް ތަފާތު މަންޒަރެކެވެ. މި މީހުން މިކަމާ ވެގެން އުޅޭ މަންޒަރެއް ވެސް ނުފެނެއެވެ.



ކަންކަން މިހުރީ މިހެންްނެވެ. ވެރިޔަކު އަރައި ފައިބައިގެން ދިޔައިރު މުޅި ރާއްޖެދަވާލައިފިއެެވެ. މިކަމަަށް ހައްލު ގެންނަން އައި ވެރިޔާގެ ވެސް މަގްސަދު ހުރީ ފައިސާ ކައިގެން ބަނޑު ފުރުމެެވެ. ކުށް ކުރި މީހުން ތިބީ ދެއަތް އުރައިގެން އުފަލުންނެވެ. އެމީހުންނަށް ފިޔަވަޅު އަޅާނެ މީހެއް ނެތެވެ. އޭރު ލާދީނީވި ޝަމީމް އަކީ އަދިވެސް ޕްރޮސެކިޔުޓާ ޖެނެރަލެވެ. އޭނާ ހުރީ މަގާމުގައެވެ. އެ އިރަކު ހުންނަ ސަރުކާރަކަށް ތަބާވާކަމަށް ހަދައިގެންނެވެ.

އެމްޑީއެން ރިޕޯޓްވެސް، އިންޑިޔާ ސިފައިންވެސް މިއަދު މި މީހުންނަށް ރަނގަޅެވެ. މިއަދު ގެއްލުނު ކަނޑު ހޯދާކަށް ވެސް ނޫޅެއެވެ.

ކަންކަން މިހެން ހުރުމުން އުފެދެނީ އެންމެ ސުވާލެކެވެ. ރައީސް މުއިއްޒެވެ. އޭރު ޖަރީމާތައް ހިންގި ފަރާތްތައް މިއަދު ހުދު ކާފޫރުކޮޅަކަށްވީތޯ؟