އެމްއެމްޕީއާރްސީ ހިޔާނާތުގެ މައްސަލައެއް އެންމެ ފުރަތަމަ ބަލާފައިވަނީ ރައީސް ޔާމީންގެ ވެރިކަމުގައި އެމަނިކުފާނު ކަމަށް ކުރީގެ ކޮމިޝަނަރ އޮފް ޕޮލިސް ހުސައިން ވަހީދު ވިދާޅުވެއްޖެއެވެ.
ހުސައިން މިފަދައިން ވިދާޅުވެފައިވަނީ މި ސަރުކާރުން އެމްއެމްޕީއާރްސީ ހިޔާނާތުގެ މައްސަލަ ބަލާނެކަމަށް ބުނުމުން ފްރޮންޓް އޮފީހުގައި ކުރިޔަށްދިޔަ ޖަލްސާގައެވެ.
އެގޮތުން ހުސައިން ވިދާޅުވީ އެމްއެމްޕީއާރްސީ ހިޔާނާތުގައި ޒިންމާވާ ދެމީހުން ކޯޓުގައި ހެކި ބަސްދީ އެކަން ކުރީ އެ ދެމީހުންކަމަށް ބުނެފައިވެއެވެ.
އެކަން ކޯޓުގެ ރިކޯޑްތަކުން ސާބިތުވާނެކަމަށް ވެސް ހުސައިން ވިދާޅުވިއެވެ.
އެމްއެމްޕީއާރްސީގެ މައްސަލަ އެންމެ ފުރަތަމަ ބެއްލެވީ ރައީސް ޔާމީންގެ ވެރިކަމުގައި ރައީސް ޔާމީން. ރައީސް ޔާމީން ބެއްލެވި މައްސަލައިގައި ހިމެނޭ ދެބޭފުޅަކު. ދެ ބޭފުޅަކު އެބައޮތް ކޯޓުގައި ހެކި ބަސްދީފައި.
ހުސައިން ވަހީދު
އޭގެއިތުރުން ހުސައިން ވިދާޅުވީ ރައީސް ޔާމީން މިއަދު ވެރިކަމުގައި ތިއްބެވި ފަރާތްތަކާމެދު ހިތް ސާފުކޮށް ހިތް ތިރިކޮށް ކަންތައް ކުރެއްވީމާ ވެެސް އެމަނިކުފާނާ މެދު އެބޭފުޅުން ކަންތައްކުރައްވަން ވިސްނާފައި ވަނީ ގޯސްކޮށް ކަމަށެވެ.
