ފަތުރުވެރިކަން ކުރިއެރުމުގެ ނަމުގައި ޓޫރިޒަމް މިނިސްޓާރ އިބްރާހިމް ފައިސަލް އިންޑިޔާގެ ފައިބުޑަށް ވެއްޓިއްޖެއެވެ.
ރާއްޖެއަށް ޒިޔާރަތް ކުރާ އިންޑިއާ ފަތުރުވެރިންގެ އަދަދު އިތުރު ކުރުމަށް އެމްއެމްޕީއާރުސީން އެގައުމުގައި "ވެލްކަމް އިންޑިއާ" ގެ ނަމުގައި ރޯޑްޝޯ އެއް ކުރިޔަށް ގެންދިޔުމަށް ފަށާފައެވެ.
މި ރޯޑްޝޯގެ ހަވާސާގައި ފައިސަލް އިންޑިއާގެ ދެ މިނިސްޓަރަކާ ވަނީ ބައްދަލުކުރައްވާފައެވެ.
ފައިސަލް ފުރަތަމަ ބައްދަލު ކުރައްވާފައި ވަނީ އިންޑިއާގެ ޓޫރިޒަމް މިނިސްޓަރު، ޝްރީ ގަޖެންދްރާ ސިންގް ޝޭހަވަތު އާއެވެ.
އެ މިނިސްޓަރީން ބުނީ އެ ބައްދަލުވުމުގައި އެއް ގައުމުން އަނެއް ގައުމުގައި ހިންގާ ފަތުރުވެރިކަމުގެ މަޝްރޫއުތައް އިތުރު ކުރުމާއި ފަތުރުވެރިކަމުގެ ސިނާއަތުގައި އިތުރު ފުރުސަތުތައް ފަހި ކުރުމާމެދު މަޝްވަރާ ކޮށްފައިވާކަމަށެވެ.
އިންޑިޔާ އިން ފަތުރުވެރިން ނަޔަސް ފަތުރުވެރިކަމުގެ ސިނާއަތައް އެއްވެސް އަސަރެއް ނުކުރާނެކަމަށް އޭރު ދިވެހި ސަރުކާރުން ވަނީ ބުނެފައެވެ.
ނަމަވެސް މިފަހަކަށް އައިސް ފެނިގެންދަނީ އިންޑިޔާއިން ފަތުރުވެރިން އައުން ގިނަ ކުރުމަށްޓަކައި އެ ގައުމުގެ ފައިބުޑަށް ރާއްޖޭގެ މިނިސްޓަރު ފައިސަލް ވެއްޓި އާދޭސް ކުރަމުންދާ މަންޒަރެވެ.
