މި ސަރުކާރުގައި އިގްތިޞާދީ ހަކަތަ ނެތް ކަން ފެންނަން އެބަ އޮތް ކަމަށާއި އާންމު ރައްޔިތުންނަށް އޭގެ ތާށިކަން އައުން ގާތް ކަމަށް ރައީސް އަބްދުﷲ ޔާމީން އަބްދުލްގައްޔޫމް ވިދާޅުވެއްޖެ އެވެ.

ރައީސް ޔާމީން މިފަދައިން ވިދާޅުވެފައި ވަނީ ދަ ފްރޮންޓް އޮފީހުގައި ކުރިޔަށް ދިޔަ ޖަލްސާގައި އެވެ.

އެގޮތުން އެމަނިކުފާނު ވިދާޅުވީ މިދިޔަ މަސްތަކުގައި ސަރުކާރުން ދައުލަތުގެ މުވައްޒަފުންގެ މުސާރަތަކާއި އިދާރީ ހަރަދުތައް ހަމަޖައްސާފައިވަނީ ބޭންކް އޮފް މޯލްޑިވްސް (ބީއެމްއެލް) އިން ލޯނު ނަގައިގެން ކަމަށެވެ.

މިއީ ރައީސް މުއިއްޒުގެ ރިޔާސީ ވައުދަށް ފުށުއަރާ ކަމެއް ކަމަށް ވެސް ރައީސް ޔާމީން ވަނީ ވިދާޅުވެފައެވެ.

ފިނޭންސް މިނިސްޓްރީ އިން ކޮންމެ ހަފްތާއަކު އާންމު ވީކްލީ ފިސްކަލް ރިޕޯޓް އާންމު ނުކުރާތީ ރައީސް ޔާމީން ވަނީ އެއީ ތާށިކަން އުޅޭތީ ފޮރުވުމައްޓަަކައި ސަރުކާރުން ކުރާ ކަމެއްގެ ގޮތުގައި އެކަން ސިފަކުރައްވާ ސަރުކާރަށް ފާޑުވިދާޅުވެފައެވެ.