ގިނަ ކެބިނެޓު ބައްދަލުވުންތަކާ އިކޮނޮމިކު ކައުންސިލް ބައްދަލުވުންތައް ބާއްވާ ނިންމުންތައް ނިންމުމަކީ އަދި ކާމިޔާބީއެއް ކަމަށް ބަލައިނުގަނެވޭނެ ކަމަށް ޕީއެންއެފްގެ ސެކެރެޓަރީ ޖެނެރަލް މުހައްމަދު މަލީހު ޖަމާލު ވިދާޅުވެއްޖެއެވެ.

މަލީހު މިފަދައިން ވިދާޅުވީ ބުރާސްފަތި ދުވަހުގެރޭ ދަ ފްރޮންޓް އޮފީހުގައި ބޭއްވި ޖަލްސާގައި ވާހަކަ ދައްކަވަމުންނެވެ.

މަލީހު ވިދާޅުވީ. ސަރުކާރުން ހިންގާ ސްޕީޑާ މެދު ރައްޔިތުންނާ އަދި ސިޔާސީ ފަރާތްތަކުން ފާޑުކިޔަން ފެށުމުން އެކަމުގެ ދިފާއުގައި ސަރުކާރުގެ ވެރިން، މި ސަރުކާރުގެ ކެބިނެޓު ބައްދަލުވުންތަކުގެ އަދަދާ އެ ބައްދަލުވުންތަކުގައި ނިންމެވި ނިންމެވުންތަކުގެ އަދަދު ހާމަކަޮށް އެއީ މުއިއްޒު ސްޕީޑުކަމުގައި ވިދާޅުވި ނަމަވެސް ގައުމެއް ހިންގުމުގައި އެއީ ކާމިޔާބީއެއް ކަމަށް ނުބެލެވޭނެ ކަމަށެވެ.

ތަރައްގީވެ ތަމައްދުންނާއެކު ކުރިއަށްދާ ގައުމުތަކުގައި ކާމިޔާބިއަކީ، ނިންމާ ނިންމުންތައް ތަންފީޒުކޮށް އެ ނިންމުންތަކުން ރައްޔިތުންނަށާ ގައުމަށް މަންޒަފާއެއް ކުރުން ކަމަށްވާއިރު މި ގައުމުގެ ސަރުކާރުން ނިންމާ ނިންމުންތަކަށް އަމަލީ ސިފައެއް ނާންނަކަމަށް މަލީހު ވިދާޅުވިއެވެ.

މަލީހު އިތުރަށް ވިދާޅުވީ ބޭރުގެ އިންވެސްޓުމަންޓު ރާއްޖެއަށް ގެންނަން ބޭނުންނަމަ އެ ފަރާތްތައް ގަބޫލުކުރާ ފެންވަރުގެ ނިންމުންތައް ނިންމާ ހުށަހެޅުންތައް ހުށަހަޅަން ޖެހޭނެ ކަމަށެވެ.