އިސްލާމިކް މިނިސްޓަރު ޑރ. މުހައްމަދު ޝަހީމް އަލީ ސައީދު ސައުދީ އަރަބިއްޔާއަށް ފުރާވަޑައިގެންފި އެވެ.

އިސްލާމިކް މިނިސްޓްރީން ބުނީ މިނިސްޓާރ ޝަހީމް ސައުދީއަށް ފުރާވަޑައިގެންނެވީ އެ މިނިސްޓްރީން ބައިވެރިވާ ހާއްސަ ކޮންފަރެންސްގެ ނުވަ ވަނަ ސެޝަންގައި ބައިވެރިވެވަޑައިގަތުމަށް ކަމަށެވެ.

މިނިސްޓާރ ޝަހީމްގެ އަރިހުގައި އިތުރު ދެ ބޭފުޅުން ވެސް ސައުދީއަށް ވަޑައިގެންނެވި އެވެ. އެއީ އިސްލާމީ މަރުކަޒުގެ އިސް އިމާމު މުހައްމަދު ލަތީފް އަދި ސީނިއާ ޕޮލިޓިކަލް ޑިރެކްޓަރު އިމްތިތާއުު އައްބާސް އެވެ.

އެ ކޮންފަރެންސް ކުރިއަށްދާނީ އޯގަސްޓް، 4 އިން ފެށިގެން އޯގަސްޓް، 5 ގެ ނިޔަލަށް ކަމަށް އިސްލާމިކް މިނިސްޓްރީން ވަނީ ހާމަަކޮށްފައެވެ.

މިނިސްޓާރ ރާއްޖެ ވަޑައިގެންނަން ހަމަޖެހިފައި ވަނީ އޮގަސްޓް 7 ވަނަ ދުވަހުއެވެ.