ފެންނަ ފެނުމަށް ހީވަނީ ސަރުކާރުގެ އެތެރޭގެ ހާލަތު ވަރަށް ވެސް ގޯސްހެންކަމަށް ޕީޕަލްސް ނެޝަނަލް ފްރޮންޓް (ޕީއެންއެފް) ގައި އިސްކޮށް މަސައްކަތް ކުރައްވާ އެ ޕާޓީގެ މެމްބަރު އަހުމަދު މުހައްމަދު ވަހީދު (ވައްޑެ) ވިދާޅުވެއްޖެއެވެ.

ދަ ފްރޮންޓް އޮފީހުގައި ސަރުކާރުގެ ނޭދެވޭ އަމަލުތައް ހާމަކުރަމުންގެންދާތީ ނުރުހުން ފާޅުކޮށް އަދުރޭ ކުރެއްވި ޕޯސްޓް ކުއޯޓް ކުރެއްވުމަށްފަހު ވައްޑެ ވިދާޅުވީ ސަރުކާރަށް 8 މަސް ވެފައިވާއިރު ހީވަނީ ސަރުކާރުގެ އެތެރޭގެ ހާލަތު ގޯސްހެން ކަމަށެވެ.

އެގޮތުން އަދުރޭ އެކްސްގައި ޕޯސްޓްކޮށް ފްރޮންޓް އޮފީހުގައި ކުރިޔަށްދާ ޖަލްސާތަކަށް ފާޑުކިޔާފައި އެވަނީ ވަރަށް ބޮޑަށް ޕްރެޝާރ ވެގެން ކަމަށް ވައްޑެ ވަނީ ޕޯސްޓްގައި ވިދާޅުވެފައެވެ.

ސަރުކާރަށް 8 މަސްވީއިރު ފެނިގެންދަނީ ފްލެޓްވެރިން މުޒާހަރާ ކުރާ މަންޒަރާއި،ޓެކްސީ ޑްރައިވަރުންގެ މުޒާހަރާ އާއި، މަސްވެރިން މުޒާހަރާ ކުރާ މަންޒަރާއި،ރޭސްކާރު ދުއްވާކުދިންގެ މުޒާހަރާ ކުރާ މަންޒަރާއި ސައިކަލު ޓޯކުރާތީ މުޒާހަރާ ކުރާ މަންޒަރާއި އެހެނިހެން ފަރާތްތަކުން މުޒާހަރާ ކުރާ މަންޒަރުކަމަށް ވެސް ވައްޑެ ވަނީ ވިދާޅުވެފައެވެ.

ފްރޮންޓް އޮފީހުގެ ޖަލްސާތައް ކުރިޔަށް ގެންދަނީ ރައްޔިތުން ހައްލަން ކަމަށް ވިދާޅުވުމުން ވައްޑެ ވިދާޅުވީ ފެންނަފެނުމަށް ރައްޔިތުން ހައްލާކަށް ނުވެސްޖެހޭ ކަމަށެވެ. ރައްޔިތުންނަށް އެނގިގެން އެތިބީނިކުމެ ކަމަށާއި ބޮޑާވަނީ މިސަރުކާރުގެ ވެރިން ކަމަށް ވެސް ވައްޑެ ވިދާޅުވިއެވެ. ކިބުރުވެރިވަނީ ސިޔާސީ މަގާމުތަކުގައި ތިބި ކަލުންނާއި، ކަނބަލުން ކަމަށް ވިދާޅުވެ ވައްޑެ ވަނީ ސަރުކާރުގެ ޓްވީޓް ކުރާ ކުދިންނަށް ބަހުގެ ހަމަލާއެއް ދީފައެވެ.

ލައްޒަތާއި އިއްޒަތަށްވުރެން މި ރާއްޖޭގެ އިއްޒަތާއި، ކަރާމާތް މުހިއްމުކަމަށް ބަހާއި އަމަލުން ދައްކަވަމުން ގެންދަވާ ހަމަ އެކަނި ލީޑަރަކީ ރައީސް ޔާމީން ކަމަށް ވައްޑެ ވިދާޅުވިއެވެ.

އެމަނިކުފާނު ވެރިކަން ކުރެެއްވީ ވެސް‬⁩ ސްޓައިލުގައި ކަމަށާއި ސްޓައިލުގަ ނުހައްގު ޖަލުހުކުމެއްގައި އަނިޔާގައި އޮންނަވައިގެން އަދުގެ ސަރުކާރަށް ލައްޒަތާއި އިއްޒަތް ހޯދާދިނީމަ، އެމަނިކުފާނަށާއި ދިވެހި ގައުމަށް ވެސް ދޭން ތިޔައުޅެނީ ފެން ކައްކާ ބޮލީގެ އިއްޒަތްތޯ އައްސަވާ ވައްޑެ ވަނީ ސުވާލެއް އަމާޒުކޮށްފައެވެ.

ވައްޑެ ވަނީ ވަރަށް ބޮޑަށް އަދުރޭ އަށާއި ސަރުކާރަށް ފާޑު ވިދާޅުވެފައެވެ.