ތިމާ މީހާގެ މަކަރުވެރިކަމާއި ތިމާ ހާލުގައި ޖެހުނު ދުވަހު ތިމާއަށް އަޅާލި ފަރާތްތަކަށް ހިޔާނާތްތެރިވުމަކީ ހިޔަޅުވަންތަކަމުގެ ސިފައެކޭ މުސްކުޅިން ބުނެ އުޅެއެވެ. އާދެ، ރައީސް އަބްދުﷲ ޔާމީން އަބްދުލްގައްޔޫމްގެ އަމިއްލަ ގެކޮޅުގައި އާއިލީ މެމްބަރެއް ފަދައިން އެއްވެސް ތަފާތު ކުރުމެއްނެތި ގެންގުޅެއްވި ވާހަކަ އަކީ އަބްދުއްރަހީމްގެ ދުލުން މީޑިޔާއަށް ތިލަވެގެންދިޔަ ވާހަކައެކެވެ.

ރައީސް ޔާމީނަށް ނިމިދިޔަ ސަރުކާރުން ނުހައްގު ޖަލު ހުކުމެއް އިއްވާ އެމަނިކުފާނު ހުރަގޭގާއި ބަންދުކުރުމުން، އެކަމުގެ ހިތާމަ ކުރާކަމަށް އޭރުގައި އަދުރޭމެން ވިދާޅުވި އަޑު އިވުނެވެ. ދެބުމަ ގޮށް ޖައްސަވާ ދެލޮލަށް ފެންކޮޅެއް ގެނެސް ރައީސް ޔާމީނަކީ ތިމަންނާގެ އުފަން ބައްޕަ އެއް ފަދަ ބޭފުޅެކޭ ވިދާޅުވި އިރު ހީވީ ހަމަ ހަގީގަތުގައި ވެސް އަދުރޭ ދެކިވަޑައިގެންނަވަނީ އެފަދައިންކަމަށެވެ.

މަންޒަރާއި ދެއްކެވި ވާހަކަތާއި ހުރިހާ އެއްޗެއް ބަދަލުވެ އަދުރޭގެ އަސްލު ސޫރަ ދިވެހި ރައްޔިތުންނަށް ފެނިގެންިޔައީ ރައީސް ޔާމީންގެ ފޮޓޯ ފުޅާއި އެމަނިކުފާނުގެ ހުސް ގޮނޑި ދައްކައިން ހޯދި ވެރިކަމުގައި ތިމާ ވަރުގެ މީހަކު ނެތިގެން އުޅެން ފެށި ހިސާބުންނެވެ. އާދެ ބޮޑަށް ހީވަނީ މިއީ އަދުރޭގެ ވެރިކަމެއްހެންނެވެ. މި ވެރިކަން ހޯދީ ވެސް އޭނާހެންނެވެ. ވެރިކަމުގައި ރައީސް ޑރ މުހައްމަދު މުއިއްޒު ހުންނެވި ނަމަވެސް މުއިއްޒު ވެރިކަން ކުރައްވަނީ އަދުރޭ އިރުޝާދު ދެއްވާ ގޮތުގެ މަތީންނެވެ. މިއީ ތުންތުންމަތިން ދެެއްކި ވާހަކައެއް ނޫނެވެ. މި ވާހަކަ އަކީ ސީދާ ރައީސް އޮފީހުގެ މިނިސްޓަރެއްގެ ފަރާތުން އެނގުނު ވާހަކައެވެ.

ކުރު ގޮތަކަށް ދަންނަވާނަމަ، ރައީސް މުއިއްޒު ހުންނަވަނީ އަދުރޭގެ ދަށުވެފައެވެ. އަދުރޭ ކުރައްވާ އިޝާރާތަކަށް ރައީސް މުއިއްޒު ހުންނަނީ ބަލަ ބަލައެވެ. ޕޯޑިއަމްތަކަށް އަރާފައި އެ ދައްކަވާ ވާހަކައަކީ ވެސް އަދުރޭ ބުނެގެން ދައްކަވާ ވާހަކަ ނޫންކަމެއް ނޭނގޭއެވެ. ދެން އޮތް އަނެއް ކަމަކީ ވެރިކަމުގައި ސީދާ އަދުރޭ ނެތަސް ވެރިކަމުގައި ހުރި ފަރާތުގެ އާއިލާ އަށްވުރެ ބޮޑަށް ސަރުކާރުގެ ސިޔާސީ މަގާމްތަކުގައި ތިބީ އަދުރޭގެ ދަރިންނާއި، ދަރިންގެ ފިރިންނާއި، ދަރީގެ ބައިފައިބެ އާއި ދެން މިހެން ގޮސް ކިޔާނެކަމެއްް ނެތެވެ.

މޮޅެތި ޅެން ހަދާފައި ވެރިކަމަށް މީސް މީހުން ދަހިވެތި ވެގެންނޭ ކިޔާއިރު އެހެން މީހެއްގެ ވެރިކަމުގައި ތިމާ މީހާ ވެރިކަން ކުރައްވާ ވާހަކަ ދައްކާލުން ކިއެއްތޯ؟ ޅެން ހަދާފައި ރައީސް އޮފީހުގެ ސިޔާސީ މަގާމް ފުރުއްވާ އަންއެކްސްޕީރިއެންސްޑް ކުދިންކޮޅު ލައްވާ ޅެމަށް ތައުރީފް ކޮށް މޮޅެތި ޕޯސްޓް ޖެހިޔަސް ތިމާ މީހާގެ ފެންވަރާއި ހުރީ ކިހާ ރިވެތި އަހުލާގެއްކަން މިއަދު ދިވެހި ރައްޔިތުންނަށް ސާފެވެ.

އެހެންވީމާ ވެރިކަމާއި ހެދި ބޫތުކައިފައި ހަގީގަތުގައި ހުރީ ތިޔަ ބޭފުޅާއެވެ. އެހެން ބޭފުޅުންގެ އިސްތަށިފުޅުގައި މިފަދަ އިލްޒާމް ނާޅުއްވާ މަޖިލިސް ރައީސްގެ ޒިންމާ ފުރިހަމަ ގޮތުގައި އަދާކުރެވޭތޯ ބަލާލުން ކިއެއްތޯއެވެ. ބޮޑެތި ޒިންމާދަރު މަގާމްތަކުގައި ތިބެ ބަޔަކު ނިކުމެ ހަގީގަތް ހާމަ ކުރަމުން ގެންދަވާތީ ޒާތީ ވެގެން ޅެން ހަދާ ލަވަ ކިޔާ އުޅުނީމާ ވެއްޓޭނީ ތިމާ މީހާގެ އަގެވެ.