ރައްޔިތުންގެ މަޖިލީހުގެ ޕީއެންސީ މެމްބަރުންނަށް ރައީސް ޑރ. މުހައްމަދު މުއިއްޒުގެ ފަރާތުން ކޮންމެ މަހަކު 1 ލައްކަ ރުފިޔާ ދެއްވާނެ ކަމަށް ވިދާޅުވެ މި މަހުވެސް ދެއްވީ ބައިލައްކަ ރުފިޔާ ކަން ހާމަވެެއްޖެއެވެ.
ރައްޔިތުންގެ މަޖިލީހުގައި ސަރުކާރު ތަމްސީލް ކުރާ ޖުމްލަ 75 މެމްބަރުން ތިބޭއިރު އެ މެމްބަރުންނަށް ބައި ލައްކަ ރުފިޔާ ދޭން މަހެއްގެ މައްޗަށް 3.75 މިލިއަން ރުފިޔާ ހޭދަވާނެ އެވެ.
އެ ފައިސާއާ ނުލައި ވެސް ކޮންމެ މަޖިލިސް މެމްބަރަކަށް 82،500 ރުފިޔާ ލިބިގެންދެޔެއެވެ.
މިދިޔަ މަހުވެސް މުލިއާގެއިން މެމްބަރުންނަށް 50،000 ރުފިޔާ ދިން ކަމަށް ބުނުމުން ސަރުކާރުން ވަނީ އެކަން ދޮގުކޮށްފައެވެ.
ނަމަވެސް "ތޭރަ އޮންލައިން" އަށް ވަނީ އެ ފައިސާ މިދިޔަ 3 މަހު ވެސް ދިން ކަން ހާމަވެފައެވެ.
ދައުލަތުގެ ފައިސާ ނަހަމަގޮތުގައި ބޭނުންކުރަމުން ދާތީވެ، އާންމުން އަންނަނީ ސަރުކާރަށް ފާޑުކިޔުން އަމާޒުކުރަމުންނެވެ.
