ވިއްސާރަވެ މޫސުން ގޯސްވާނެ ކަމަށް ލަފާކޮށް ނ. އަތޮޅުން ފެށިގެން މ. އަތޮޅަށް މޫސުމާ ބެހޭ ގައުމީ އިދާރާއިން ހުދު ސަމާލު ނެރެފިއެވެ.

މޫސުބާ ބެހޭ ގައުމީ އިދާރާއިން މިކަން ހާމަކޮށްފައި ވަނީ ހުކުރު ދުވަހު އެކްސް ގައި ކުރެއްވި ޕޯސްޓެއްގައެވެ.

ރާއްޖޭގެ މޫސުމާއި ބެހޭ ގައުމީ އިދާރާ (މެޓް) އޮފީހުން ނެރުނު ހުދު ސަމާލުގައި ބުނެފައި ވަނީ ގަޑިއަކު 19 މޭލާއި 24 މޭލާ ދެމެދުގެ ބާރުމިނުގައި ވައިޖެހޭނެ ކަމަށާއި ކަނޑުތައް ގަދަވާނެ ކަަމަށް ލަފާ ކުރެވޭ ކަަމަށެވެ.

މޫސުމާ ބެހޭ ގައުމީ އިދާރާއިން މި އެލާޓު ނެރެފައި ވަނީ ހުކުރު ދުވަހުގެ ހަވީރު 16:00 އިން 21:00 އާ ހަމައަށެވެ.

މީގެ އިތުރުން މެޓު އޮފީހުން ހާމަކުރި ގޮތުގައި ވިލާގަނޑުގައި ގަޑިޔަކު 19 މޭލާއި 24 މޭލާއި ދެމެދުގެ ބާރުމިނެއްގައި ވައިޖެހޭނެކަމަށް ވެސް ހާމަކޮށްފައިވެއެވެ.