ޕްރޮސެކިޔުޓާރ ޖެނެރަލް ހުސައިން ޝަމީމްގެ އިސްތިއުފާ އަދި "ވާނުވާ ބަންދު" އުވާލުމަށް ގޮވާލާ އިހުތިޖާޖްކޮށްފިއެވެ.

މި އިހުތިޖާޖް ކުރިޔަށް ގެންގޮސްފައިވަނީ ރައްޔިތުންގެ މަޖިލީހުގެ ބޭރުގައިއެވެ.

އެ ސަރަހައްދަށް އެއްވެފައި ތިބި ފަރާތްތަކުން ގޮވަމުންދިޔައީ "އެމްޑީއެން ޝަމީމް" މަގާމުން ވަކިކުރުމަށެވެ.

ޝަމީމް އަށް އޭނާގެ ޒިންމާ އަދާ ނުކުރެވޭ ކަމުގައިވާނަމަ އެ މަގާމުގައި އޭނާ ބެހެއްޓުމުގެ އެއްވެސް ބޭނުމެއް ނެތް ކަމަށް ވެސް އެ ފަރާތްތަކުން ވަނީ ގޮވާލާފައެވެ.

އަދި އޭގެއިތުރުން މައުލޫމާތު ލިބިފައިވާ ގޮތުގައި ރައީސް ޑރ. މުޙައްމަދު މުޢިއްޒުގެ ވައުދާއި އެއްގޮތައް ވާނުވާ ބަންދު އުވާލައި، އަދި ކުށެއް ސާބިތު ނުވެ ވަކި ގޮތެއް ނުނިންމައި ބައިތިއްބާ ބޭތިއްބުން ނިމުމަކަށް ގެނައުން އަވަސް ކުރުމަށް ވެސް ވަނީ އެ ފަރާތްތަކުން ގޮވާލާފައެވެ.

ރިޔާސީ ވައުދެއް ނުފުއްދައިގެން އިހުތިޖާޖަށް ނުކުންއިރު އެ ބަންދުގައި ހުރި މީހަކު ވަނީ ދާދި ފަހުން ޖަލުގައި ނިޔާވެފައެވެ.

މީގެ ކުރިންވެސް މި ކަމާ ގުޅިގެން އިހުތިޖާޖުކޮށްފައިވާއިރު ޕީޖީ ހުސެއިން ޝަމީމު އެކަން ކުރުވަން ބޭނުންނަމަ ދައުލަތުން ވަސީލަތް ތަނަވަސްކޮށްދޭން ޖެހޭ ކަމަށް ވެސް ވަނީ ވިދާޅުވެިފައެވެ.

ވެރިކަމަށް އައުމަށްފަހު ވާނުވާ ބަންދު އުވާލާނެ ކަމަށް ވިދާޅުވިއިރު މިކަން ކުރައްވަން ސަރުކާރުން އުޅޭ މަންޒަރު ނުފެންނާތީ ގިނަ ބަޔަކު އަންނަނީ ކަންބޮޑުވުން ފާޅުކުރަމުންނެވެ.