ރައީސް އަބްދުﷲ ޔާމީން ޖަލުގައި ނުހައްގުން ބެހެއްޓީ ދުރާލާ ރާވައިގެން ރައީސް މުހައްމަދު މުއިއްޒުކަމަށް އެމަނިކުފާނުގެ ރޯލު މޮޑެލް އަބްދުއްރަހީމު އަބްދުﷲއަށް އިއުތިރާފުވެވިއްޖެއެވެ.

ޕީއެންސީގެ ޖަގަހައިގައި އަންގާރަ ދުވަހުގެރޭ ބޭއްވި ޖަލްސާގައި ވާހަކަ ދައްކަމުން އަދުރޭ ވަނީ ރައީސް ޔާމީނަށާއި އެމަނިކުފާނުގެ އަރިހުގައި ސިޔާސީ މަސައްކަތް ކުރައްވާ އިސް ފަރާތްތަކަށް ވަރަށް ބޮޑަށް ފާޑުވިދާޅުވެފައެވެ.

އެގޮތުން މީގެ ކުރިން ރައީސް ޔާމީން ހުންނެވީ ހަރާން ހުކުމެއްގައި ކަމަށް ބުނެ އަޑު ގަދަ ކުރި އަދުރޭ ވަނީ ރައީސް ޔާމީންއަކީ ޚިޔާނާތްތެރިއެއް ކަމަށް ބުނެ އެމަނިކުފާނަށް ވަގަށްވެސް ގޮވާފައެވެ. އަދުރޭ ބުނިގޮތުގައި ރައީސް ޔާމީން ހުންނެވީ ވައްކަން ކޮށްގެން ކަމަށާ އެމްއެމްޕީއާރުސީ ހިޔާނާތުގެ ޒިންމާ ނަގަން ޖެހޭނީ ރައީސް ޔާމީން ކަމަށް ވިދާޅުވެފައެވެ.

މީގެ އިތުރުން ވެރިކަން ހޯދުމުގެ ނިޔަތުގައި، އެމްއެމްޕީއާރުސިގެ މައްސަލަ ތިލަ ރައީސް ޔާމީން ޖަލުގައި ބެހެއްތީ ގަސްތުގައި ރައީސް މުއިއްޒު ކަމަށާ އެއީ ދުރާލާ ރާވައިގެން ކުރިކަމެއް ކަމަށްވެސް އަދުރޭއަށް ވަނީ އިއުތިރާފުވެވިފައެވެ.

އަދުރޭއަށް މިފަދައިން އިއުތިރާފުވެވިފައިވާއިރު ރައީސް މުއިއްޒަށް ވެރިކަން ހޯދައިދޭން މާކުރިން ރޭވިކަމަށްވެސް އަދުރޭ ވަނީ މީގެ ކުރިން ޕިއެންސީ ޖަގަހައިގައި ބޭއްވި ޖަލްސާއެއްގައި ވެސް އިއުތިރާފުވެފައެވެ.

ރޭގެ ޖަލްސާގައި އަދުރޭވަނީ އޭނާ ގެންދަވަނީ ރައީސް ޔާމީންގެ ކިބައިން ބަދަލު ހިފަމުންކަން ވެސް ހާމަކުރައްވާފައެވެ. އެގޮތުން އަދުރޭގެ ސިޔާސީ ހަޔާތުގައި ލިބުނު ނާކާމިޔާބީތަކަކީ ރައީސް ޔާމީން އޭނާއަށް ދިން ލަނޑުތަކެއްގެ ގޮތުގައި ސިފަކޮށް ރައީސް ޔާމީންގެ އިސްތަށިފުޅުގައި އިލްޒާމުތައް އަޅުވާފައިވެއެވެ.