ރައްޔިތުންގެ މަޖިލީހުގެ ރައީސްގެ ރަސްމީ ގެކޮޅު ކަމަށްވާ މުރައިދޫގޭގެ ޗީފް އޮފް ސްޓާފްގެ މަގާމަށް ނޫސްވެރިޔާ އާދަމް ހަލީމް (މުންޑޫ) ހަމަޖައްސައިފި އެވެ.

މިކަން މަޖިލީހުގެ ކޮމިއުނިކޭޝަން ޑިރެކްޓަރު ހަސަން ޒިޔާއު ކަށަވަރުކޮށްދެއްވާފައެވެ.

އެގޮތުން އޭނާ ވިދާޅުވީ ރައްޔިތުންގެ މަޖިލީހުގެ ރައީސަށް ލިބިވަޑައިގަންނަވާ ބާރުގެ ދަށުން މުރައިދޫގޭ ޗީފް އޮފް ސްޓާފްގެ މަގާމަށް އާދަމް ހަލީމް އައްޔަން ކުރެއްވީ އަދުރޭ ކަމަށެވެ.

އަދި އޭނާ އެ މަގާމަށް އައްޔަން ކުރެއްވީ މިދިޔަ މަހުގެ 28 ވަނަ ދުވަހުގައި ކަމަށް ވެސް ވަނީ މައުލޫމާތު ލިބިފައެވެ.

މަޖިލިސް ރައީސް އަދުރޭ މުރައިދޫ ގެޔަށް ބަދަލުވެފައި ވަނީ ޖުލައި މަހުގެ 26 ވަނަ ދުވަހުގައި ކަން ފާހަގަކޮށްލެވެ އެވެ.