އިންޑިއާ އައުޓު ގޮވަމުން ވެރިކަމަށް އައިސް ރާގު ބަދަލުކުރުމުން އާންމުންގެ ނުރުހުން ރައީސް ޑރ މުހައްމަދު މުއިއްޒަށް އަމާޒުވެއްޖެއެވެ.

އެގޮތުން ރައީސް މުއިއްޒު ވެރިކަމަށް އައުމަށް ވިއްކި އެންމެ ވަރުގަދަ އެއްޗަކީ އިންޑިއާ އައުޓު ކެމްޕެއިންކަމަށްވެފައި މިހާރު ވެރިކަން ބަދަލުވެ އިންޑިއާ ފައިބުޑަށް ވެއްޓި އެމަނިކުފާނު ސަލާން ޖަހަމުން ގެންދާ މަންޒަރާ އިންޑިއާގެ ގޮނޑި ކޮއްކޮ ސަރުކާރަކަށް ދިވެހި ސަރުކާރު އަނެއްކާވެސް ވެގެންދާ މަންޒަރު ފެންނަމުން ދާތީ ގިނަ ބަޔަކު ގެންދަނީ މިސް މީޑިޔާގެ އެކި މަންސަ ތަކުގައި މި ވެރިކަމަށް ފާޑުކިޔުންވެސް އަމާޒުކުރަމުންނެވެ.

އެގޮތުން އިންޑިއާގެ އެކްސްޓާނަލް އެފެއާޒް މިނިސްޓަރު ޖެއި ޝަކަންރާ ރައީސް މުއިއްޒު ބައްދަލުކުރައްވާ މަންޒަރު ފެންނަ ފޮޓޯއެއް ހިއްސާކޮށް މީހަކު އެކްސްގައި ބުނެފައިވަނީ ލަވަމުންދިޔަ ހަޅޭކާއި، މީސްމީޑިއާގެ ބަޔަކު ކުރަމުން އައި މުޑުދާރު މަސައްކަތުގެ ރައްދު އިޙްތިރާމްގެ ހިނިތުންވުމަކުން ދިން ޖަވާބަކުން ކަމަށެވެ އަދި ރައީސް މުއިއްޒަށް ތައުރީފުކޮށް ބުނެފައިވަނީ އެމަނިކުފާނު މުޅިންވެސް ރައްދުދެއްވަނީ އިދިކޮޅުން ބޭނުންނުވާނެ އައު މަންޒަރަކުންކަމަށެވެ.

އެކްސްގެ މި ޕޯސްޓަށް ރައްދު ދިން މީހުންގެ ތެރެއިން މީހަކު ބުނެފައިވަނީ މިޤައުމުގައި މިތިބީ ޕީއެންސީ ނޫނިއްޔާ ހުސް ތަންދޮރު ނުދަންނަ ގަމާރުން ކަމަށް ހައްދައިފި ކަމަށެވެ. ނަމަވެސް ހަމަހިލާ ވެސް އެހެންނަކުން ނުވާނެކަމަށާ ތިޔަ ހިނިތުންވުމުގެ އަޑީގއި އޮތް ސިއްރު އެޖެންޑާ ރައްޔިތުންނަށް ވަރަށް ސާފުކަމަށެވެ.

އެގޮތުން ތިމާއަށް ވޯޓުލީ އެތައް ހާސް ރައްޔިތުންނަށް ރައީސް މުއިއްޒުވީ ވީ ޣައްދާރު ކަމަށާ ރައީސް މުއިއްޒަކީ އެމީހެއްގެ ސަބަބުން ތިމާގެ މުޅި ސިޔާސީ ޙަޔާތުގައި ރީތި ކުލަތައް ޖެހި، ލިބުނު ވެރިކަމެއް ލިބެން މެދުވެރި ވި މީހާގެ މެއަށް ހަންޖަރު ޖަހާ އަދި ވެސް އެމީހާއަށް ނޭވާލިޔަ ނުދޭން ޤަސްތުކޮށް އެތައް އަނިޔާ އެއްދީ ބޭއިންސާފުން ނަގާ އަތު ކޮޅަށް ހޫރާލި ޣައްދާރެއް ކަމަށެވެ.

މީގެ އިތުރުން އެމީހާ ވަނީ އިންޑިޔާ ސިފައިން ބޭލިއްޔޭ ކިޔައި ރައީސް މުއިއްޒު ޙީލަތްތެރި ގޮތަކަށް އިންޑިޔާ ސިފައިންގެ ޔުނިފޯމުތައް ކެމޯފްލާޖްކޮށް ދިވެހިންގެ ލޮލޮގަ އަންދުން އަޅުވާ އަމިއްލަ ޤައުމަށް ޤައްދާރުވީ ޚައިނެއްގެ ގޮތުގައިވެސް ސިފަކޮށްފައެވެ.

ހަމައެހެންމެ ރާއްޖެ ކުޑަވުމަކި އިންޑިއާއިން ރާއްޖެއަސް ބުލީ ކުރަން ލިބޭ ލައިސަންސެއް ނޫން ކަމަށް ރައީސް މުއިއްޒު ވިދާޅުވި ވިދާޅުވުމަށްވެސް އެމީހާ ވަނީ ރައްދުދީފައެވެ. އެގޮތުން ބުލީ ކުރުން ގަނޑު ކިހިނެއްތޯ ސުވާލުކޮށް އިތުރަށް ވަނީ ފިނޑިން ޤައުމިއްޔަތޭ ކިޔައި ހަޅޭއްނުލެވުމަށް ގޮވާލާފައެވެ. އަދި ރައީސް މުއިއްޒަކީ ޤައުމިއްޔަތުގެ ކަންފުޅެއްވެސް ނެތް ބޭފުޅެއްގެ ގޮތުގައި ސިފަކޮށްފައިވެއެވެ.

މި ނޫނަސް އެތައް ބަޔަކު އިންޑިއާ ގާތްކުރަމުން ސަރުކާރުން ގެންދާ ގެންދިއުމަށް ފާޑުކިޔުމާ ނުރުހުން އަމާޒުކޮށްފައިވެއެވެ.

އެގޮތުން ރައީސް މުއިއްޒު އޮޅުވާލަނީ ކޮން ބަޔަކަށްތޯ މީހަކު އެކްސްގައި އަހާފައިވެއެވެ.

މީގެ އިތުރުން އެމީހާ ވަނީ ރައިސް މުއިއްޒު ވެރިކަމަށް އައީ ރައްޔިތުންނަށް އޮޅުވާލާ ދޮގު ވާހަކަ ދައްކައިގެން ކަމަށް ބުނެފައެވެ. އަދި މިހާރު ވެރިންނަކީ ކޮން ބައެއްކަން ހުރިހާ އެންމެނަށް ވެސް ސާފުކަމަށާ އެހެންކަމުން ސަރުކާރު ޕްރޮމޯޓުކުރުމަް ބޮޑެތި އޮޅުވާލުންތައް އޮޅުވާލައިގެން ކުރިއެރުމެއް ނުހޯދޭނެ ކަމަށްވެސް ބުނެފައިވެއެވެ.

ރައީސް މުއިއްޒު ވަނީ ރިޔާސީ އިންތިހާބުގެ ދުވަސްވަރު ރާއްޖެއިން ގެންގުޅެނީ ޕްރޯ މޯލްޑިވްސް ޚާރިޖީ ސިޔާސަތެއް ކަމަށް ވިދާޅުވެފައެވެ. ނަމަވެސް ވެރިކަމަށް ވަޑައިގެންނެ ތަނާ އިންޑިއާއިން އެ ގައުމުން ދޫކޮށްފައިވާ ލޯނުތައް ދައްކަން ޕްރެޝަރ ކުރުމާ އެކު ރައީސް މުއިއްޒު ވަނީ އިންޑިއާ ކުރިމަތީ ކުޑަކަކޫ ޖަހާ ލީނުތައް ދެއްކުން ފަސްކޮށްދިނުމަް އެދި އާދޭސް ދަންނަވާފައެވެ. އަދި އޭގެ ފަހުން އިންޑިއާ އެޅިހާ ބަތަކަށް ދިވެހި ސަރުކާރުން ގެންދަނީ ރިހަ އަޅަމުންކަން ފާހަގަކޮށްލެވެއެވެ.