ޕީޕީއެމް/ޕީއެންސީ ކޯލިޗަނުގެ ރައްޔިތުންގެ މަޖިލީަށް ކުރިމަތިލުމަށް ޝައުގުވެރިކަން ފާޅުކޮށްފައިވާ ކެންޑިޑޭޓުންގެ އެތެރޭގެ އިންތިހާބުގައި ވޯޓުލުމަށް ފަހު އެޕާޓީގެ މެންބަރުން، ރައީސް އަބްދުﷲ ޔާމީން އަބްދުލް ޤައްޔޫމް އަލަށް އުފައްދާފައިވާ ސިޔާސީ ޕާޓީ، ޕީޕަލްސް ނެޝަނަލް ފްރަންޓް (ޕީއެންއެފް) އަށް ސޮއިކުރަން ފަށައިފިއެވެ.
ކުރިއަށް އޮތް ރައްޔިތުންގެ މަޖިލީހުގައި ޕީޕީއެމް ޕީއެންސީގެ ފަރާތުން ކުރިމަތިލާ ފަރާތްތަކުން ކުރިއާލައި ކަނޑައަޅާފައިވާކަމަށް ބުނެ އެ ކޯލިޝަނުގެ ޗެއާޕާސަން އަބްދުއްރަޙީމް އަބްދުﷲ (އަދުރޭ) އަށް ވަނީ ތުހުމަތުތަކެއް އަމާޒުކޮށްފައެވެ.
ރައީސުލްޖުމްޙޫރިޔާ ޑރ.މުހައްމަދު މުއިއްޒުގެ ކޮއްކޯފުޅަށް ވެސް ޕްރައިމަރީއަކާއި ނުލައި ފ.ނިލަންދޫ ދާއިރާގެ ޓިކެޓު ކަށަވަރުކޮށްދީފައިވާކަމުގެ ތުހުމަތުތައް ވަނީ އަމާޒުކޮށްފައެވެ.
ޕްރައިމަރީގައި ވޯޓުލުމަށްފަހު އެ ޕާޓިގެ މެންބަރުން ޕީއެންއެފް އޮފީހަށް ގޮސް އެޕާޓީއަށް ސޮއިކުރަމުންދާތީވެ އެ އިންތިޒާމް ހަމަޖެހިފައިވާ ކަމަށް އެޕާޓީ އުފެއްދުމުގައި އިސްކޮށް ހަރަކާތްތެރިވާ ބޭފުޅެއް ކަމަށްވާ، މުހައްމަދު މަލީހު ޖަމާލް ވަނީ ވިދާޅުވެފައެވެ.
މީގެ އިތުރުުން އެމްޑީޕީގެ މެންބަރުން ވޮޓުލާން ގެންގޮސް ޕްރައިމަރީގައި އެތައް ގަޑުބަޑެއް ހިންގަން އަދުރޭ މަސައްކަތް ކޮށްފައިވާ ކަމުގެ ތުހުމަތުވެސް މަލީހުވަނީ ކުރައްވާފައެވެ.
