އުތުރާއި މެދު ރާއްޖޭގެ ބައެއް ސަރަހައްދުތަކަށް ވައިގަދަވެ ކަނޑުތައް ގަދަވާނެ ކަމަށް ލަފާކޮށް ރާއްޖޭގެ މޫސުމާއި ބެހޭ ގައުމީ އިދާރާ (މެޓް) އޮފީހުން ހުދު ސަމާލު ނެރެފިއެވެ.
މިކަން ހާމަ ކޮސްފައިވަނީ އެ އިދާރާއިން އެކްސްގައި ކުރެއްވި ޕޯސްޓެއްގައެވެ.
މެޓް އޮފީހުން ހުދު ސަމާލު ނެރެފައި ވަނީ ނ. އަތޮޅުން ފެށިގެން ތ. އަތޮޅާއި ހަމައަަަށެވެ.
މޫސުމާ ބެހޭ ގައުމީ އިދާރާއިން ހާމަކޮށްފައިވާ ގަޑިއަކު 19 މޭލާ 24 މޭލާ ދެމެދުގެ ބާރުމިނުގައި ވައިޖެހި ކަނޑުތައް ގަދަވާނެ ކަމަށް ލަފާ ކޮށްފައިވެ އެވެ.
މި ސަމާލު ނެރެފައިވަނީ ހޮނިހިރު ދުވަހު މެންދުރު 2:30 އިންފެށިގެން ރޭގަނޑު 8:00 އާ ހަމައަށެވެ.
ހުކުރުދުވަހުވެސް ރާއްޖޭގެ ބައެއް ހިސާބުތަކުގެ ކަނޑުތައް ގަދަވާނެ ކަމަށް ލަފާކޮށް މެޓް އޮފީހުން ވަނީ ހުދު ސަމާލު ނެރެފައެވެ.
