ޑިސްޓްރިބިއުޝަން ކޭބަލެއް ޝޯޓްވެ މާލެ ސިޓީގެ ބައެއް ހިސާބުތަކުން ކަރަންޓު ކެނޑިއްޖެއެވެ.
ސްޓެެލްކޯއިން އެކްސްގައި ކުރި ޕޯސްޓެއްގައި ބުނެފައިވަނީ، މިހާރު ކުރަމުންދާ ގަދަ ވިއްސާރަގައި ޑިސްޓްރިބިއުޝަން ކޭބަލެއް ޝޯޓްވެ މާލެ ސިޓީގެ ބައެއް ސަރަހައްދުތަކުން ކަރަންޓު ކެނޑިފައިވާ ކަމަށެވެ.
އެގޮތުން ލޮނުޒިޔާރަތްމަގު، ވީބީ މާޓް ހުންނަ ސަރަޙައްދުން ވަނީ ކަރަންޓުގެ ޚިދުމަތް މެދުކެނޑިފައިކަމަށާ ވަގުތީ ކޭބަލެއް އަޅައި ކަރަންޓުގެ ޚިދުމަތް މެދުކެނޑިފައިވާ ސަރަޙައްދަށް ކަރަންޓު ދިނުމަށް ދަނީ މަސައްކަތް ކުރަމުން ކަމަށް ވެސް ސްޓެލްކޯއިން ވަނީ ހާމަކޮށްފައެވެ.
މިކަމާ ގުޅިގެން ކަސްޓަމަރުންނަށް ދިމާވާނެ ދަތިތަކަށް ސްޓެލްކޯއިން މާފަށް އެދިފައިވެއެވެ.
މިހާރު ކުރަމުންދާ ހުޅަނގު މޫސުމުގެ ވިއްސާރައިގައި ރާއްޖޭގެ ހުރިހާ ހިސާބަކަށްވެސް ދަނީ ބޯކޮށް ވާރޭ ވެހި ފެންބޮޑުވުމުގެ ހާދިސާތައްވެސް ހިނަގަމުންކަން ފާހަގަކޮށްލެވެއެވެ.
