އެފްރިކާގެ ސަރަހައްދުގައިި ފެތުރެމުން ދާ މަންކީ ޕޮކްސް (އެމް ޕޮކްސް) ގެ ނުރައްކާ މުޅި ދުނިޔެއަށް އެބައޮތްކަމަށް ކަނޑައަޅަައި ދުނިޔޭގެ ސިއްހަތު ޖަމިއްޔާ (ޑަބްލިޔުއެޗްއޯ) އިން އިއުލާނުކުރުމށ ގުޅިގެން އަޅަން ޖެހޭ ފިޔަވަޅުތައް އެޅުމަށް ހެލްތް ޕްރޮޓެކްޝަން އެޖެންސީ (އެޗްޕީއޭ)އިން ފަށައިފިއެވެ.
އެޗްޕީއޭއިން އެކްސްގައި ކުރި ޕޯސްޓެއްގަ ބުނީ ބައްޔާއި ގުޅޭގޮތުން ރިސްކް އެސެސްމަންޓް ހަދަމުން އަންނަ ކަމަށާ އާންމު ސިއްހަތަށް އަޅަންޖެހޭ ފިޔަވަޅުތަކާއި ގުޅޭ އިރުޝާދު ދިނުމަށް ހަމަޖެހިފައިވާ ކަމަށެވެ.
އެމްޕޮކްސްގެ އައު ވޭރިއަންޓެއް ހަލުވި ކަމާއެކު ފެތުރެމުންދާތީ ބައިނަލްއަގުވާމީ ގޮތުން ސަމާލުކަން ދޭން ޖެހޭ ސިއްހީ ކުއްލި ނުރައްކަލުގެ ހާލަތު ޑަބްލިއުއެޗްއޯއިން ވަނީ ނެރެފައެވެ.
އެފްރިކާގެ 13 ގައުމެއްގައި އެމްޕޮކްސްގެ ކޭސްތައް ފެނި ބަލި ހަލުވި ކަމާއެކު ފެތުރެމުންދާތީ ޑަބްލިއޔުއެޗްއޯއިން ނެރެފައިވަނީ އެ ޖަމާއަތުން ނެރޭ އެންމެ މަތީ ދަރަޖައިގެ އެލާޓެވެ.
