ރައީސް އޮފީހުގެ މިނިސްޓަރުކަމުގެ މަގާމުގައި ހުރި އާދަމް ރަމިޒު އެ މަގާމުން ވަކިކޮށްފިއެވެ.

ރަމީޒު މަގާމުން ވަކި ކުރިކަން، ރައީސް އޮފީހުގެ އޮފިޝަލަކު ވަނީ ތޭރަ އޮންލައިނަށް ކަށަވަރުކޮށްދީފައެވެ. ނަމަވެސް މިކަމުގައި ރައީސް އޮފީހުގެ ރަސްމީ ބަހެއް އަދި ލިބިފައިނުވެއެވެ.

ރަމިޒު މަގާމުން ވަކިކުރިކަމުގެ މައުލޫމާތު ލިބިފައިވާއިރު، ރައީސް އޮފީހުގެ ވެބްސައިޓުން އޭނާގެ ފޮޓޯ ވެސް މިހާރު ވަނީ ނަގައިފައެވެ.

މިއީ މި ވެރިކަމުގައި މިނިސްޓަރެއްގެ ފެންވަރުގައި ހުންނެވި ބޭފުޅަކު ވަކިކުރި ފުރަތަމަ ފަހަރެވެ.

ރައީސް އޮފީހުން ބަލަމުންދާ މައްސަލައަކާ ގުޅިގެން މިދިޔަ ޖޫން 27، އިން ފެށިގެން ރަމީޒު ހުރީ ސަސްޕެންޑްކޮށްފައެއެވެ. ނަމަވެސް އޭނާގެ ބަލަމުންދިޔައީ ކޮން މައްސަލައެއް ކަމެއް ސަރުކާރުން ހާމައެއް ނުކުރެ އެވެ.

ރަމީޒު މަގާމުން ވަކިކޮށްފައި މި ވަނީ މިދިޔަ ޖޫން މަހުގެ ތެރޭގައި ރަމީޒުގެ ކުރީގެ އަނބިކަނބަލުން އެންވަޔަރަމަންޓް މިނިސްޓްރީގެ ސްޓޭޓް މިނިސްޓަރު ފާތިމަތު ޝަމްނާޒް އަލީ ސަލީމް ރައީސް ޑރ. މުހައްމަދު މުއިއްޒަށް ސިހުރު ހެދިކަމުގެ ތުހުމަތުގައި ހައްޔަރުކުރުމުން އޭނާ މަގާމުން ސަސްޕެންޑް ވެސް ކޮށްފައި ވަނިކޮށެވެ.

ރަމީޒު މަގާމުން ވަކިކުރި ޝަމްނާޒްގެ މައްޗަށް ދައުވާ ނުކުރަން މިހާރު އޮތީ ނިންމައިފަ އެވެ.

ރަމީޒުއާ ޝަމްނާޒަކީ ވެސް ކުރިން ރައީސް މުއިއްޒާ އެކީ މާލެ ސިޓީ ކައުންސިލްގެ މެންބަރުބން ކުރެއްވި ދެ ބޭފުޅުންނެވެ.