ރައީސުލްޖުމްހުރިއްޔާގެ އޮފީހުން ނޫސްވެރިންނާ ބައްދަލު ނުކުރައްވާތާ 70 އަށްވުރެ ގިނަ ދުވަސް ވެއްޖެ އެވެ.

ރައީސް އޮފީހުން އެންމެ ފަހުން ނޫސްވެރިންގެ ބައްދަލުވުމެއް ބާއްވާފައި ވަނަި ޖޫން މަހުގެ 2 ވަނަ ދުވަހު އެވެ.

ހޯމް މިނިސްޓަރު އަލީ އިހުސާން ވާހަކަ ދެއްކެވި އެ ބައްދަލުވުމަކީ އިޒްރޭލު ޕާސްޕޯޓު މަނާކުރަން ގާނޫނަށް ބަދަލު ގެންނަން އެ ދުވަހު ވަޒީރުންގެ މަޖިލީހުން ނިންމި ނިންމުން އިއުލާނުކުރަން ބޭއްވި ބައްދަލުވެމެއްކަން ފާހަގަކޮށްލެވެ އެވެ.

އޭގެ ފަހުން މިހާރު މި ވަނީ 73 ދުވަސް ވެފައެވެ.

ކޮންމެ ހަފުތާއަކު ނޫސްވެރިންނާ ބައްދަލުކުރާނެ ކަމަށް އެޕްރީލް 28 ގައި ތަރުޖަމާނު ހީނާ ވަލީދު ވިދާޅުވި ނަމަވެސް އެބޭފުޅުންގެ ބަހާއި އަމަލާ ދިމާނުވާކަން ހާމަވެ އެވެ.

އެއްވެސް މައުލޫމާތެއް ސިއްރު ނުކުރައްވާނެ ކަމަށާއި މަސައްކަތް ކުރާނީ ނޫސްވެރިންނާ ގާތުން ކަމަށް ރައީސް މުއިއްޒު ވިދާޅުވި ނަމަވެސް އެ މަންޒަރު ނުފެންނަކަން ފާހަގަކޮށްލެވެ އެވެ.