ކުރިއަށް އޮތް ރައްޔިތުންގެ މަޖިލީސް އިންތިހާބުގައި ރައީސް އަބްދުﷲ ޔާމީން އަބްދުލް ޤައްޔޫމް އަލަށް އުފައްދަވާ ޕާޓީ ޕީޕަލްސް ނެޝަނަލް ފްރަންޓް (ޕީއެންއެފް)ގެ ފަރާތުން ވާދަކުރައްވަން ޝައުގުވެރިކަން ފާޅުކުރައްވާފައިވާ ކެންޑިޑޭޓުން ތައާރަފް ކުރުމަށް ހާއްސަ ޖަލްސާއެއް ބޭއްވުމަަށް ހަމަޖެހިއްޖެއެެވެ.

ރައްޔިތުން މަޖިލީހުގެ އިންތިހާބުގައި ވާދަކުރައްވާ ކެންޑިޑޭޓޫންގެ ތައާރަފެއް ދިނުމަށް ބާއްވާ މި ޖަލްސާ އޮންނާނީ ޕީއެންއެފް ފްރަންޓް އޮފީހުގައެވެ.

އާދިއްތަ ދުވަހުގެ ރޭ 20:45 ގައި ބޭއްވުމަށް ހަމަޖެހިފައިވާ މި ޖަލްސާގައި ތައާރަފް ކުރުމަށް ހަމަ ޖެހިފައިވަނީ މަޖިލިސް އިންތިހާބުގައި މައްޗަން ގޯޅި އުތުރު ދާއިރާއަށް ވާދަކުރައްވާ އުސްތާޒް އައްސަދު ޝަރީފް، އުނގޫފާރު ދާއިރާގެ ގޮޑިއަށް ވާދަކުރައްވާ ކެންޑިޑޭޓް ހުސެއިން ނާސިފް ގެ އިތުރުން މެދު ހެންވޭރު ދާއިރާގެ ގޮނޑިއަށް ވާދަކުރައްވާ ކެންޑިޑޭޓު ހަލީމަތު ޒުހައިރާއެވެ.

މި ޖަލްސާ ބެލުންތެރިންނާއި ހަމައަށް ޗެނަލް 13 އިން ލައިވްކޮށް ގެނެސްދެވޭނެއެވެ.