ސްޕާއެއްގައި މަސައްކަތްކުރާ ބިދޭސީ އަންހެނެއްގެ ގައިގައި ކަޓަރު އެޅުމަށްފަހު އޭނާ އަތުން ފޭރުނު މައްސަލައިގައި ތުހުމަތު ކުރެވޭ ދިވެހި ފިރިހެނަކު ހައްޔަރުކޮށްފި އެވެ.

ފުލުހުން ރޭ ބުނީ އެ މައްސަލައިގައި ހައްޔަރު ކުރީ ގދ. ތިނަދޫ، ސްކޫނާ، އަލީ ޝައްމާން ވަހީދު، 29، ކަމަށެވެ.

ފުލުހުން މިފަދައިން ބުނެފައި ވަނީ އޭނާގެ ފޮޓޯ އާންމުކުރުމަށްފަހުއެވެ.

ފުލުހުން މަޢުލޫމާތު ދިން ގޮތުގައި މި ހާދިސާ ހިނގާފައިވަނީ އިއްޔެ ފަތިހުގެ ވަގުތެއްގައެވެ.

އެގޮތުން މިއަހަރުގެ މިހާތަނަށް ވައްކަމާއި ފޭރުމުގެ 2620 މައްސަލަ އަދި މާރާމާރީގެ 425 މައްސަލަ ހުށަހެޅިފައިވާކަމަށް ފުލުހުން ބުނެއެވެ.