ފެނިގެންދަނީ ކަރަންޓް ބިލްތައް ބޮޑުކޮށް ރައްޔިތުންގެ ޖީބުތައް ދޮވެލާ މަންޒަރު ކަމަށް ރައީސް އަބްދުﷲ ޔާމީން އަބްދުލްގައްޔޫމް ވިދާޅުވެއްޖެ އެވެ.
ރައީސް ޔާމީން މިފަދައިން ވިދާޅުވެފައި ވަނީ އާދިއްތަ ދުވަހުގެ ރޭ ފްރޮންޓް އޮފީހުގައި ކުރިޔަށް ގެންދިޔަ ޖަލްސާގައި ކުރީގެ ކޮމިޝަނަރ އޮފް ޕޮލިސް ހުސައިން ވަހީދަށް ސުވާލު އަމާޒުކުރައްވަމުންނެވެ.
އެގޮތުން ރައީސް ޔާމީން ވިދާޅުވީ މިއަދު މިއޮތީ ރައްޔިތުންގެ ހެޔޮ ބަސް އަހާ، ހެޔޮ ބަސް ގަބޫލުކުރާ ވެރިކަމެއް، ނަމަވެސް ފެންނަނީ ޖެހިޖެހިގެން ރައްޔިތުންގެ ޖީބުތަކުން ސަރުކާރުން ވައްކަން ކުރާ މަންޒަރުކަމަށެވެ.
މިއޮތީ ރައްޔިތުންގެ ބަސްއަހާ، ހެޔޮ ބަސްއަހާ، ހެޔޮ ބަސް ގަބޫލު ކުރާ ވެރިކަމެއް، އެކަމަކު މިވަރުން ރައްޔިތުންނަށް ވެގެން ހަނާ ވެގެންދާއިރު ދެން މީ ވެދާނެ ސިޔާސީ ގޮތުން އަޅުގަނޑުމެން ދާން ބޭނުންވާ ހިސާބަށް ދާންވެގެން ނުދެވިގެން ދައްކާ ވާހަކައަކަށް
ރައީސް ޔާމީން ވިދާޅުވި އެވެ.
އޭގެއިތުރުން ރައީސް ޔާމީން ވިދާޅުވީ މިފަހަކަށް އައިސް ބައި އިލެކްޝަންތަކުން ރައްޔިތުން ލާ ވޯޓުން ވެސް މިކަން ހާމަވެފައިވާކަމަށެވެ.
މި ސަރުކާރުން ވެރިކަމަށް އައުމުގެ ކުރިން ދެއްކެވި ހުރިހާ ވާހަކައެއް މިހާރު ކެންސަލްކޮށްލައިފި ކަަން ރައީސް ޔާމީންގެ ވާހަކަފުޅުން ވަނީ ދޭހަވެފައެވެ.
