ކާރިސާތަކުން އަރައިގަތުމަށް އަތޮޅު ތެރޭގައި އެމެޖެންސީ ސެންޓަރުތަކެއް ގާއިމުކުރަން ނިންމާފައިވާ ކަމަށް ނެޝެނަލް ޑިޒާސްޓާ މެނޭޖްމަންޓް އޮތޯރިޓީ (އެންޑީއެމްއޭ) އިން ބުނެފި އެވެ.

މިފަދައިން ވިދާޅުވެފައި ވަނީ އެންޑީއެމްއޭގެ ޗީފް އެކްޒެކެޓިވް ހިސާން ހަސަން ރޭ އެސްއެސްޓީވީގެ ޕްރޮގްރާމެއްގައި ވާހަކަ ދައްކަވަމުންނެވެ.

އެގޮތުން އޭނޢ ވިދާޅުވީ ކާރިސާތަކާ ގުޅިގެން ރާއްޖޭގެ ދުރު ހިސާބުތަކަށް އެހީތެރިކަން ފޯރުކޮށްދިނުމުގައި މިހާރު ދަތިތަކެއް އެބަ ހުރި ކަމަށެވެ.

އެހެންކަމުން އެކަމަށް ހައްލެއް ހޯދުމުގެ ގޮތުން އަތޮޅު ތެރޭގައި އެމެޖެންސީ ސެންޓަރުތަކެއް ގާއިމުކުރުމުގެ މަސައްކަތް ފަށާފައިވާ ކަމަށް ހިސާން ވިދާޅުވި އެވެ.

އެކަމަކު އެ ސެންޓަރުތައް ގާއިމުކުރަނީ ރާއްޖޭގެ ކޮން ސަރަހައްދުތަކެއްގައި ކަމެއް އޭނާ ހާމަ ކުރައްވާފައެއް ނުވެއެވެ.