އެއާ ސީއެމްބިއުލޭންސްގެ ގޮތުގައި ބޭނުން ކުރި މޯލްޑިވިއަންގެ ސީ ޕްލޭންގެ ދަވާދު ބަދަލުކޮށް އަލުން އެކުންފުނީގެ އާއްމު ދަތުރުތަކުގައި ބޭނުން ކުރަން ފެށުމާއެކު އެކަން ސިއްރުކޮށްގެން އުޅުމުން ގިނަ ބަޔަކު ފާޑުކިޔަން ފަށައިފި އެވެ.


ތޭރަ އޮންލައިން އަށް މައުލޫމާތު ލިބުނުގޮތުގައި އެ ސީޕްލޭން އެއާ ސީޕްލޭން އެމްބިއުލާންސެއްގެ ގޮތުގައި ޚާއްޞަކޮށްފައި އޮތް އޮތުން ބަދަލުކޮށް ދަވާދާއި ކުލަ ބަދަލުކޮށް އަލުން މޯލްޑިވިއަންގެ ދަތުރުތަކުގައި ބޭނުން ކުރަން ފަށާފައި ވަނީ މީގެ ދެ ވަރަކަށް ހަފްތާ ކުރިންނެވެ.

މިކަން ކުރަން ފަށާފައި ވަނީ އިންޑިއާއިން ރާއްޖެއަށް ހަދިޔާކުރި، ހެލިކޮޕްޓަރާއި ޑޯނިއާ ފްލައިޓްގައި، އަލުން ބަލި މީހުން އުފުލަން ފެށުމުންކަން ފާހަގަކޮށްލެވެއެވެ.

އެއާ އެމްބިއުލޭންސެއް ގޮތުގައި ހަމަޖައްސައި ބަލި މީހުން އުފުލަން ހާއްސަ ކުރި މޯލްޑިވިއަންގެ ސީޕްލޭނުގެ ކުލަ ބަދަލުކޮށް ރިސޯޓުތަކަށް ފަތުރުވެރިން އުފުލަން ފެށީ، އެ ސީޕްލޭން މެދުވެރިކޮށް މީހުން އުފުލަން ޖެހޭ ވަރު މަދުވުމުން ކަމަށް ޓްރާންސްޕޯޓު މިނިސްޓަރު މުހައްމަދު އަމީން ވަނީ ވިދާޅުވެފައެވެ.

މިނިސްޓަރ އަމީން ވަނީ ސަރުކާރު ދިފާއުކޮށް ވާހަކަދައްކަވާފައެވެ.

މިދިޔަ ފަސް މަހުގެ ތެރޭ ސީޕްލޭނުގައި ބަލިމީހުން އުފުލުމަށް އޮތް ޑިމާންޑު ވަރަށް ބޮޑަށް ދަށްވެފައިވާ ކަމަށެވެ. އަދި ބައެއް މަސްމަހު ބަލި މީހަކު ގޮވައިގެން އެއްވެސް ދަތުރެއް ނުކުރާ ކަމަށްވެސް މިނިސްޓަރު ވަނީ އިއުތިރާފުވެފަ އެވެ.