މިދިޔަ އަހަރާ އަޅާބަލާއިރު މި އަހަރުގެ ފުރަތަމަ ތިން މަސް ތެރޭ ސަރުކާރު ކުންފުނިތަކަށް 2،000 އަށް ވުރެ ގިނަ އައު މުވައްޒަފުން ނަގާފައިވާ ކަމަށް ތަފާސްހިސާބުތަކުން ހާމަވެއްޖެ އެވެ.
މިކަން ހާމަވެފައި ވަނީ ޕްރައިވެޓައިޒޭޝަން އެންޑް ކޯޕަރަޓައިޒޭޝަން ބޯޑް (ޕީސީބީ)ން އާންމުކޮށްފައިވާ މިއަހަރުގެ ފުރަތަމަ ކުއާޓަރުގެ ކުންފުނިތަކުގެ ރިޕޯޓުންނެވެ.
އެގޮތުން ރިޕޯޓުން ދައްކާ ގޮތުގައި މިދިޔަ އަހަރު ނިމުނު އިރު ސަރުކާރުގެ ކުންފުނިތަކުގެ މުވައްޒަފުންގެ އަދަދަކީ 30،739 އެވެ.
މި އަހަރު ފުރަތަމަ ތިން މަސް ނިމުނު އިރު ސަރުކާރު ކުންފުނިތަކުގައި 33،284 މުވައްޒަފުން ތިބިއިރު އެއީ 2،545 މުވައްޒަފުން އިތުރު އަދަދެކެވެ.
މިއަހަރު ތެރޭ އެންމެ ގިނަ މުވައްޒަފުން ވައްދާފައި ވަނީ ވެމްކޯއަށެވެ.
އެ ކުންފުންޏަށް އިތުރު 528 މުވައްޒަފުން އިތުރުކޮށްފައިވާކަން ފާހަގަކޮށްލެވެ އެވެ.
