ރާއްޖެ އެތެރެ ކުރަން އުޅުނު ދެ ކިލޯއަށްވުރެ ގިނަ މަސްތުވާތަކެއްޗާއެކު މީހަކު ހައްޔަރު ކޮށްފިއެވެ.

މިމައްސަލައާއި ގުޅިގެން ހައްޔަރު ކޮށްފައިވަނީ 49 އަހަރުގެ ޕާކިސްތާނު ފިރިހެނެކެވެ. އޭނާ ހައްޔަރު ކުރުމަށްފަހު، ކްރިމިނަލް ކޯޓުން ވަނީ އޭނާގެ ބަންދަށް 30 ދުވަސް ޖަހާފައެވެ.

އޭނާގެ ބަންދު އަމުރުގައިވާ ގޮތުން ނަމަ އެ މަސްތުވާތަކެތި ފެނިފައިވަނީ އޭނާ ރާއްޖެ ގެނައު ލަގެޖުންނެވެ. ފެނުނު މަސްތުވާތަކެތީގެ ބަރުދަން ހާމަކޮށްފައި ނުވި ނަމަވެސް، އެތަކެތި މަސްތުވާތަކެތީގެ ބާވަތެއް ކަމަށްވާ ހެރޮއިންނަށް ފައްސިވެފައިވާ ކަމަށް ފުލުހުންގެ އަމުރުގައި ވަނީ ބުނެފައެވެ.

ރާއްޖެއަށް އެތެރެވާ މީހުންގެ ފަރާތުން މަސްތުވާތަކެތި ލަގެޖް ތެރެއިންނާއި އެނޫންވެސް ގޮތް ގޮތުން އެތެރެކުރަން މަސައްކަތް ކުރުމަކީ އަބަދުވެސް ކުރަމުން އަންނަކަމެކެވެ.